爭仔大戰｜蔣家旻相隔10年客串拍《愛回家》 劇本洩天機 原來係演佢前女友...

蔣家旻於2012年首輯《愛回家》內飾演馬子妮，是馬虎（劉丹飾）的孫女，馬強（徐榮飾）及勞麗嫦（林漪娸飾）的姪女兼養女。想不到相隔10年，蔣家旻有份拍《愛回家之開心速遞》，令粉絲們大為期待；她更將劇本上載至社交平台，並叫大家猜一猜其角色同那位主角有關，不少網民就估她今次是飾演送水輝前度，即Philip仔的親生媽媽。

{{hket:inline-image name="jackhero53.jpg"}}{{/hket:inline-image}}

{{hket:inline-image name="286229089_574488194033017_1445875782094905188_n.jpg"}}{{/hket:inline-image}}

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

蔣家旻昨日有份出席新劇《美麗戰場》拜神儀式，但原來要同時客串《開心速遞》，大受公司的重用。日前她在社交平台分享收到的《開心速遞》劇本，分別是第1664集《媽媽回來了》、第1665集《爭仔大戰（上）》及第1666集《爭仔大戰（下）》，並在圖片內寫上：「人生有幾多個十年，眨吓眼離開處境劇都有十年，今次返去客串全新角色，期待期待。#估吓同邊條線有關 #好耐未試過出現喺八點嘅時段#」從每集的單元主題，劇迷不難猜到角色的背景。

敖嘉年傳出偷食自揭離婚3年 蔣家旻無辜被「小三」感情事隨緣【下一頁】

部份網民就留言話：「其實可以做朗拿度夫人（即林漪娸）個女，再續母女緣」、「難度馬子妮是宋飛立（即『送水輝』許家傑兒子）的親生媽媽」、「見到根叔（劉丹飾）叫阿爺」、「馬子妮認錯根叔係馬虎，朗拿度夫人係阿媽」、「今次返去做根叔個細女呀」、「同大小姐（林淑敏飾）爭飛立仔」及「你劇透了，宋飛立的媽媽？」等，較多人估蔣家旻在劇中是Philip仔的親生媽媽，今次回歸將會同「送水輝」許家傑及「大小姐」林淑敏爭奪撫養權。

換命真相｜蔣家旻與前度朱敏瀚演情侶冇尷尬 湯洛雯羅天宇再見亦是朋友【下一頁】

蔣家旻今日（9日）接受《晴報》訪問，承認部份網民估計正確，「我係大小姐嗰條線，會同佢鬥，係一個全新角色，同態家無關係，呢次監製同編審叫到當然要幫手。不過會同《美麗戰場》疊住拍，兩邊會同時開工，《開心速遞》監製好好人、會就一就，因為嗰邊唔想造型曝光，髮型上會有啲唔同。（擔心客串角色不討好？）又不會，個仔係我親生，詳細劇情就唔方便透露太多，總之有少少喜劇效果，又有少少認真，角色係幾有挑戰性，又唔係衰人，主要都係同大小姐鬥，見到唔少人留言，大多數人都估啱。」

（↓點擊放大睇圖片↓）

蔣家旻開心有機會再拍處境劇，加上是首次做有小朋友的媽媽角色，很想帶給觀眾一些新鮮感，她自己亦是滿心期待。至於想不想成為固定角色？她說：「無所謂，正劇同處境劇都想做多啲，《開心速遞》已經千幾集，需要好多唔同角色，能夠有個固定角色係幾好，有時正劇未輪到出街，呢邊有啲曝光都唔錯。（相隔10年再拍處境劇？）係，點調節心態要拍到先知，以前係密集式咁拍，今次客串會有啲唔同。我同許家傑對上一次合作係《踩過界》，戲入面畀佢虐待，林淑敏就平時喺公司會見到，好期待有機會合作，希望出嚟觀眾會鍾意。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】