9月當爸 吳浩康預告為ＢＢ剪臍帶

吳浩康（Deep）日前錄影ViuTV音樂節目《Chill Club》，初次與樂隊Yusobeit夾band，Yusobeit低音結他手Andy集爸爸、老公及band友三個身份於一身，將為人父的Deep乘機向Andy取經。Deep說︰「因為佢經驗豐富過我，佢除咗本身工作同夾band，仲有自己家庭，大家溝通下當中嘅苦與樂，點協調太太同自己嘅生活。」

提到太太郭思琳的預產期在九月，Deep透露會陪愛妻入產房兼幫BB剪臍帶，「依家心情未去到嗰一秒都未太緊張，主要陪住太太先。」早前腹大便便的郭思琳外出時差點暈倒街頭，幸好Deep正好在身邊，他透露現時盡量避免太太獨自外出：「佢個肚好大，同埋條腰真係好攰，出街可免則免。」