分享情史｜蝦頭楊詩敏自爆同泰男拍拖30幾扮23歲 為邵子風付出一切失去自尊

現年46歲的蝦頭（楊詩敏）接受網上平台BOX channel節目《月傾會》訪問，分享感情史，她與導演火火（李家榮）、前經理人邵子風先後有過一段情外，亦試過同男友分手後放縱自我，過了一陣子荒唐生活；而在30多歲那一年，同23歲泰籍男士拍拖，她講大話呃對方話自己也是23歲，實情是姊弟戀。

{{hket:inline-image name="IMG_9053.JPG"}}{{/hket:inline-image}}

{{hket:inline-image name="1024_8f90c60ae88843868eb53b4823e80ac4.jpg"}}{{/hket:inline-image}}

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

蝦頭的感情生活可謂極之精彩，直認拍「散拖」經驗是數唔到咁多，真心真意去愛的就一隻手數得出。至於失去自尊的一次發生了甚麼事？蝦頭提到前度邵子風，「我覺得為佢差唔多付出咗一切，所以我冇咗自己。大家都知道我對上一個係邊個，我哋關係好複雜，又拍拖又經理人又一齊開公司，我哋兩個都係傷痕纍纍嘅靈魂。我嗰陣時有一股蠻勁，好想可以永遠，亦視佢為結婚對象。到第4年……越嚟越……關係複雜，我哋再唔分開嘅話，會攬住一齊死，堅係死呀！」她亦不忘多謝對方，因為沒有當日所有經歷，就不會有重生的機會。

連詩雅向追求者落閘拒收兵 蝦頭幻想與姜濤過情人節【下一頁】

至於同火火的愛情故事，她說：「我同阿火拍拖係讀演藝學院嘅時候，拍咗3年半拖，嗰陣我好情迷阿火，分開咗之後好傷心，嗰一年裏面覺得自己最荒唐，不停吃喝玩樂，又飲酒又去識男仔。之係又有另一個荒唐時間，失戀後去咗泰國散心，有艷遇……同一個泰國男朋友拍咗1年拖。」追問同男朋友的年齡差距有多少？蝦頭話試過跟大自己11年的男人拍拖，「佢係舞台劇人，我做舞台劇時經朋友介紹而認識。最細年紀係泰國嗰個，呢單嘢……我當時好衰，嗰陣30幾歲，佢問我係咪23歲，因為佢係23歲，我梗係話係啦！」

（↓點擊放大睇圖片↓）

蝦頭之前話視Anson Kong（江𤒹生）為性幻想對象，最近人選有沒有改變？蝦頭的答案很「重口味」，竟然是電影《奇異女俠玩救宇宙》（Everything Everywhere All at Once）內、飾演楊紫瓊老公的演員關繼威，她說：「我真係對佢好有feel，佢演戲嗰種passion，我完全喺呢齣電影裏面feel到晒，而佢打功夫嘅場面係好charming㗎！畀佢個腰包吸引住，唔知大家有冇睇到？佢有個腰包可以當成雙節棍咁打功夫，我好想畀嗰個腰包打一打，哈哈哈！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】