全城尋貓︳帶貓上山走失主人回家換衫再搵 數十熱心人冒雨出動奇蹟尋回

主人帶寵物出門要小心，一名女主人昨日（12日）下午帶2隻貓到大帽山行山，期間一隻貓女走失，她在尋找2小時後回家換衫，並發文向網民求助，數十名熱心人帶齊裝備，在深夜冒雨出動幫手尋貓，最終在今日（13日）凌晨尋回貓咪。

同場加映：
管家王 ︳600呎雙層巴士屋有齊廚廁 港男住近20年：日日想快啲返屋企

{{hket:ul-video id="5935"}}{{/hket:ul-video}}

一名女網民日前在Facebook群組「天下貓貓一樣貓群組」中發帖，表示昨日（12日）下午約3時帶白色寵物貓女「Milkshake」到大帽山遠足，期間貓咪突然走失。據悉飼主當天帶同2隻貓、包括走失貓咪Milkshake去行山，當時Milkshake在私家車上，突然從車窗跳出車外，此後不知所蹤。

尋貓2小時後回家換衫被怒轟

飼主於兩小時後在Facebook發帖求助，並附上愛貓的照片，希望網民協助尋找貓咪下落，惟她在帖文中寫上一句：「搵咗2個鐘搵唔到，而家返屋企換件衫再去搵過，希望有心人搵到可以聯絡我，薄酬」，令不少網民感到氣憤，批評她只顧換衫和帶貓咪行山的行為不智：「呢件事令我覺得佢唔適合養貓！咁大個人，做啲白癡行為！」、「仲返屋企換衫，你唔係呀嘛？冇腦學咩人養貓？」、「行完山咁攰，瞓醒先搵啦！」、「根本唔應該帶去行山，害死隻貓」、「帶主子行山，根本就係炫耀自己同危險動作」、「家貓去到陌生地方就會不安，放繩佢一定會高速亂竄，主人根本冇可能追到」。

↓ 點 擊 圖 片 放 大 ↓

有網民其後開設Facebook群組「大帽山搵milkshake」和通訊軟件群組自發尋貓，並留下電話號碼供聯絡用，不少有行山經驗的網民昨日深夜帶備頭燈、電筒、繩索、貓籠等物品冒雨登山，飼主深夜亦重回現場，期間被不少在場人士責罵。

義工們上山後，透過社交群組交換情報及借取物資，亦有人上傳飼主的錄音，希望貓咪聽到主人的聲音後會現身，另有網民提醒義工要小心蛇和野豬出沒。

義工今晨尋回貓咪

直至今日（13日）凌晨約2時半，有義工成功尋回Milkshake，有網民指飼主和義工事後已帶貓咪去看醫生，飼主亦承諾不會再帶Milkshake外出，另會捐款予動物慈善機構。

不少網民得知尋回貓咪後，紛紛留言答謝義工們的付出：「感恩，感謝義工們」、「真係謝天謝地！以後要加倍小心」、「希望其他走失咗嘅貓狗都可以盡快畀人發現，可以快啲返屋企啦」、「其實貓根本就不應該帶出街，嚇死，可憐！幸好找到咋！感謝各位找貓人士」。

震撼教育｜養豬仔預告100天後吃掉，每日拍片倒數生命結局震撼觀眾，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀