紋身出事︳港女$3000紋身中伏 皮膚發炎疑染HPV長肉瘡 紋身師拒負責：你情我願點叫害人

近年紋身越見普遍，不少人都在身上紋上自己喜歡的圖案，認為別具意義，惟也要小心選擇紋身師及用料，否則損害皮膚後悔莫及。一名港女在網上分享紋身中伏經歷，不但圖案甩色化線，還致皮膚發炎久久未癒，並懷疑受人類乳頭狀瘤病毒（HPV）感染。她事後尋找經手的紋身師要求退款，惟對方拒絕負責，並予以無賴回應，令她憤而在網上公開一切警世。

同場加映：

醫療輔助隊︳抗疫時被影到認出 遭同事驚播毒要求停工 無悔堅守救援崗位：有能力就做多啲

{{hket:ul-video id="5924"}}{{/hket:ul-video}}

紋身後皮膚發炎  圖案甩色化開

一名女網民在今年1月於Facebook討論區「香港紋身關注組」發文，分享自己及另外2名苦主由相同紋身師紋身的中伏經歷，事件至今仍在網上發酵。事主透露去年9月向該紋身師付$3,000在其腳上紋身，惟上色過程極為煎熬，

「佢用幼針慢慢填整咗5個鐘，紋完已經化線，佢同我講化咗嗰啲之後會無，我未試過紋身化線，信咗，點知個紋身一路唔見好，仲越嚟越嚴重。」

她指出，紋身2個半月後，皮膚變紅及敏感發炎，又痕又痛；而且整個紋身凸起及變色，是她紋身多年來從沒遇過的事，「有一浸啡色喺個紋身上面，即係全個紋身變啡咗，白色都變咗淺啡，紫色變咗灰色。」

要求退款不果  獲紋身師無賴回覆

後來她求醫治理，獲診斷為因紋身引發感染，以致皮膚發炎、有疤痕及組織增生。而該紋身師當日為她紋身後，曾將成品照放上網，還在帖文內直言「未達標，劣作見笑以警惕自己」，令她更有感自己是「白老鼠」；其後她在網上見到其他苦主有相似的中伏經歷，就決定向該紋身師理論及追討全額退款。

該紋身師承認，除了事主之外，自己還「紋衰咗好多人」，惟自言無力賠償，「退得畀你就無理由唔退畀其他人，個個都退嘅話就超出咗我能力範圍」；並指「唔紋都紋衰咗」，現時退款都無補於事，堅拒退款，還把責任推往事主身上，

「技術同針功方面，我啲作品相大家都有眼見。我甚至冇自稱係紋身師，紋唔紋得過係你哋嘅判斷。」

事主在帖文內分享其他苦主的「出事相」及對話截圖，可見紋身圖案線條化開、褪色嚴重，還有皮膚腫起的情況。而該紋身師同樣不願負責及退款，「可惜事情都發生咗，我都知道自己係欠咗你哋一生，但我除咗道歉同汲取教訓之外，都冇嘢可以做到。」

事主轟紋身師技術不良害人

對此，事主炮轟該紋身師厚顏無恥，未學滿師就收費為人紋身，亦因技術不良以致顧客皮膚出現問題，最後卻不願負責，事後竟繼續「收新客」，遂於網上發文警世，

「明知自己整衰好多人都唔增進吓自己啲技術先，繼續收人錢練手。好多人因為佢入針太深，搞到太傷發炎化線。紋身係一世，又唔係學徒，搵佢整之前佢又完全冇戴過任何頭盔，點知出到嚟化晒發晒炎，呢段時間都係咁，之後仲要睇醫生，等唔知幾耐先好番，仲要出去搵其他師傅再執，剩係呢度都唔止原本嗰$3,000。」

疑染HPV病毒  皮膚出肉瘡流血化膿

直至上個月，事主紋身處仍有皮膚問題，並長出一顆約1厘米大、會滲出血水及化膿的肉瘡。皮膚及性病專科醫生馮偉傑接受網上傳媒訪問時指出，憑照片及影片所見，相信事主受HPV過濾性病毒疣感染，並會擴散至周圍皮膚，以致周邊皮膚出現細小感染，建議需會診及切走組織化驗。

事件在網上引發熱議，大批網民認為該紋身師不負責任，「黐線，咁嘅手勢搵白老鼠練手」、「咩叫退錢都於事無補，既然一生都還唔到，點解繼續出嚟害人」，還有人在該紋身師的Instagram專頁留言「好心啦，唔好出嚟害人啦」，未料獲該紋身師回覆「你情我願點為之害人？我有迫佢搵我紋？」；另有人指出現時本港未有條例監管紋身師的資歷及專業，紋身愛好者只能事前做足資料搜查，選擇信譽良好的紋身師保障自己。

涉事紋身師認錯及承諾永久停業

涉事紋身師約一周前在其Instagram專頁作出回應，對事主及其他受影響的顧客表示歉意，承認曾因缺乏應用較進階紋身機器的深入了解，以致部分顧客傷口過大，增加紋身後的護理難度及細菌感染風險，已向相關顧客退款，以及承諾即時停業和不再提供紋身服務。現時該專頁已經關閉。

紋身有罪？︳奶奶數月前離世 孝順夫欲將亡母名紋手臂紀念 港妻2大原因感不妥︰唔太鍾意︳另附洗紋身3大須知，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

https://fb.com/HealthyLifeExpress/

撰文：賴天兒