無綫的潮玩節目《姊妹淘》由2011年4月開播，主要介紹扮靚、修身、時尚等資訊，莊鍶敏擔任了三輯主持，其他拍檔先後有羽翹、楊秀惠、吳若希、葉翠翠、張名雅、陳詩欣、傅嘉莉、張寶兒、李君妍等等，可惜節目做到2021年7月突然被停播。莊鍶敏和吳若希早前在YouTube個人頻道，大爆有人在鏡頭後假情假義。
同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要
節目「元老」莊鍶敏指自己經歷了不同朝代的轉變，亦與很多人合作過，她透露人氣男子組合MIRROR的經理人花姐（黃慧君），曾是《姊妹淘》的編導。《姊妹淘》播足10年，莊鍶敏表示會有一些秘聞分享，吳若希說：「其實呢個節目都算係命途坎坷，《姊妹淘》算係公司比較多廣告客嘅一個節目，我哋以一個用家身分去介紹嗰件產品嘅時候，我相信好多人都睇得好開心。」莊鍶敏指：「我發覺男士們都睇得開心嘅，因為長腿吖嘛，高凳加短裙係好吸引嘅。」吳若希笑說：「如果有鮮明嘅對比就更加好。」莊鍶敏笑言那就要多謝麥玲玲師傅。
獨家│《姊妹淘》長壽播足十年收視不振摺埋 莊思敏：停得太突然返唔切嚟【下一頁】
三輯的《姊妹淘》都有不同女藝人輪流負責主持，眾主持中，當中原來陳詩欣是最八卦、「收風」特別強的，吳若希笑說：「果然係做過娛樂新聞台。」莊鍶敏說：「E-news，原來真係有啲基礎，加上佢老公嘅關係，識咗唔同世界嘅人，娛樂圈加富二代、富三代嘅世界。」她們大讚葉翠翠記稿最叻，有她在就最放心。
【姊妹淘】坐高櫈曬長腿係「高妹」主持專利？ 吳若希莊思敏身高都有1米7以上【下一頁】
提及節目每星期都有個「變身」環節，吳若希直言在該環節，見盡所有人的不同嘴臉，莊鍶敏即說：「係呀，嗰啲假情假義。變身環節，會有髮型師、化妝師、形象設計幫嘉賓變身，好多時嘉賓一定喺鏡頭面前話『好靚呀，好鍾意呀，未見過呢個我！』表示非常滿意，但轉頭就去監製度投訴......」吳若希接著說：「試過有個嘉賓，整完個頭或者化完個妝，令到主持見到都覺得有少少啞口，唔識得點去評論，不過化妝部分嘅出事機率都比較低，反而髮型方面，我哋有一位合作開嘅髮型師，基本上佢上親嚟，命中率都好高，100次都有90幾次，嘉賓係唔喜歡。試過幾次，嘉賓整完個頭，真係喊，去咗監製度投訴，作為主持，真係好尷尬。」莊鍶敏和應她：「雖然我哋有時都會暗示，『個頭點樣再修修會好啲呢？』但好多時專業人士都會相信自己係最專業。」
《姊妹淘》吳若希勁誇用一法箍煲挽回老公 網民狂轟太羞家 力數3宗罪【下一頁】
莊鍶敏自爆有次拍片頭拍到有點勞氣，「以前嘅片頭，需要主持行Catwalk出去，再介紹嗰集嘅內容，幾句說話，好短，大約30秒，我試過拍呢部分，拍咗45分鐘都未拍完，原因係導演鍾意，拍多啲可以剪，但基本上係剪走晒。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】