許方輝疑蛇王天星渡輪浪漫攬女 曾傳背妻搭上新聞小花周嘉儀

昨天網上流傳偷拍相，相中一位中年男子喺天星渡輪上同一名女子相擁，但就睇唔到呢對男女嘅面容，呢位報料網民就話懷疑係有線新聞副總經理許方輝。

同場加映： 王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

相中一男一女在渡輪上依偎，女方小鳥依人雙手圍抱男子；男子一手攬着她，另一隻手搭在女方膝上。Facebook群組引述報料讀者稱，當時正是上班時間，兩人乘搭由灣仔前往尖沙嘴的天星小輪。據悉，有線電視非常關注事件，消息稱許方輝已暫時休假。有線回覆《晴報》查詢僅指：「就有關報道，本公司不作任何回應及評論。」

{{hket:inline-image name="7888.JPG"}}{{/hket:inline-image}}

雖然相中見唔到男方面貌，但有眼利網民就翻出2020年時嘅短片，當時有線新聞部裁員，一眾員工不滿公司突然裁走大量員工而毫無交代，於是向一眾高層問責兼拍片，而當時許方輝嘅領帶就正正同相中男主角一模一樣，再加上比對下髮量亦相當接近，令人不禁諗到佢就係相中人。

許方輝早年喺無綫電視台工作，已被指背妻搭上一齊出鏡報新聞嘅新聞女神周嘉儀，而成為娛樂新聞人物。當年有雜誌爆相指許、周兩人喺「車上親暱」，揭發女方同已婚男方發展不倫關係。事後兩人申請放假，即時遠離幕前。其後，女方離開電視台，仍被指與許方輝「藕斷絲連」，甚至發短訊畀陳佩琳（許太）。周嘉儀堅決表示冇滋擾許方輝及太太，並指對方應該尋求警方協助，而男方近年加入有線新聞部，點知又再爆出今次事件。

亦因為咁，今次嘅涉事女主角矛頭直指有線新聞小花，有網民更從相中女子身穿嘅粉紫色外套推斷出，女主角乃係經常以同色西裝外套出鏡嘅廖淑怡。廖淑怡回應傳媒時堅決否認，表示自己有男友，絕不可能同有婦之夫扯上關係，解釋話平時去街着得好Causal，出鏡嘅衫係返到公司先換；同時同許方輝劃清界線，指私底下並唔熟，男方對佢冇任何特別照顧。

除咗廖淑怡，其餘幾位小花包括李文欣、袁思行、梁思齊、王穎琪、余茵娜亦都成為「嫌疑人」，真係多得相中男士唔少呀！

撰文︰娛樂組