前無綫新聞主播丨許方輝以家庭原因辭任副總經理 曾捲有線裁員風波再涉桃色醜聞

有線新聞高層許方輝近日捲入攬女疑雲，網上流出疑似已婚嘅許方輝喺返工時間擅離職守。有指有線電視高度關注事件，並傳許方輝已暫時休假。今日事件再有新發展，可靠消息指許方輝已向有線以家庭原因遞信請辭。

同場加映：  父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

日前網上流傳一張中年男子於天星渡輪上與女子相擁嘅照片，相中男女表現親暱，男方更將手放於對方膝頭上面。相主指相中男子為已婚嘅有線新聞副總經理許方輝，令一眾網民嘩然。由於事發時是上班時間，更令人懷疑佢「蛇王」。日前有傳許方輝已暫時休假，今日就有消息指佢已經以家庭原因辭任有線新聞副總經理一職。

{{hket:inline-image name="Wha.jpeg"}}{{/hket:inline-image}}

許方輝2020年辭任無綫新聞副總監過檔有線擔任新聞及公共事務總經理，成為新聞部揸弗人。過檔前有線新聞部爆出大鑊，十八個部組及職級，包括工程部、港聞採訪組採訪主任、港聞採訪組記者、剪片組、導播組、美術設計組，發起簽聯署信，其中六個組別是全體員工聯署，抗議近日連番人事變動，許方輝最後亦「平安過渡」呢場裁員風波，擔任有線新聞部高層兩年。

「拆彈專家」許方輝2013年亦曾爆出桃色醜聞，任職TVB採訪主任時，曾被周刊影到與當時下屬、當時嘅女主播嘅周嘉儀於車廂內舉動親暱。事件曝光後，周嘉儀被調走，許方輝不但有得留低，至一六年仲升任新聞副經理。