吳若希搵靚仔細佬吳梓楓拍MV 18歲成年攞正牌安排「咀戲」？

Jinny吳若希剛踏入3字頭即有新嘗試，擔任自己新歌《慢鏡》的MV監製，更欽點18歲、擁有183身高的細佬吳梓楓擔任MV男主角，而女主角是《愛回家之開心速遞》的美少女作家「路小小」羅毓儀。不過Jinny今次就冇「自肥」細佬，男女主角並冇咀嘴戲，Jinny仲話成日聽到人讚細佬靚仔，身為家姐的她就唔多覺，所以今次畀大家睇得清清楚楚。

{{hket:inline-image name="DSC05386.jpeg"}}{{/hket:inline-image}}

{{hket:inline-image name="DSC05508.jpeg"}}{{/hket:inline-image}}

同場加映：王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

Jinny今次新歌《慢鏡》講疫情下要學懂處事，當生活同工作被迫改變，一切慢下來甚至停下來時，就要懂得享受生活，同時提醒自己不能浪費這段時間，要令自己隨時有心理準備，擁有可以再做得更好的心態。她亦以監製身分參與新歌MV，並找來細佬吳梓楓演出，Jinny指細佬表現令她刮目相看，「平日我基本都唔會讚佢，但今次合作佢又真係做到我要求，同埋啲人成日話細佬靚仔，但我真係唔覺，所以今次搵佢畀大家睇清楚。」

吳若希30歲進入半生感覺「無缺」 Alex諷刺老婆懶惰玩命Po醜照【下一頁】

在3分幾鐘的MV中，Jinny兩姊弟並無同場演出，而吳梓楓同羅毓儀最初以中學生打扮出場，在畫室及梳化上有不少互動，最親密的鏡頭是二人四目交投後，男方慢慢向女方挨近，正當突破至有親密接觸時，卻聽到門外有聲響，於是急急停止動作。時間飛逝，講他們分開後在畫廊重遇，吳梓楓向羅毓儀遞上戒指求婚，大團圓結局收場。對於弟弟跪地求婚場面，Jinny在IG寫上：「拍攝這個場景時，我在鏡頭後雖然一直笑著，但內心充滿了感動，一邊跟認真地投入劇情，一邊幻想我弟弟未來要成家立室的畫面！原來不單止嫁女會感動，娶新抱都會想喊。留住眼淚等你真係求婚先喊呀！」

（↓點擊放大睇圖片↓）

此外，Jinny的《越難越愛》最近被楊丞琳揀中在《聲生不息》翻唱，歌曲因此再次被炒熱，Jinny笑言開心之餘，最想有實際利益，「好快就要返內地開工，所以希望今次《越難越愛》翻熱可以幫我有啲登台收入，疫情下已經停咗登台搵真銀機會，我個人好勢利，哈哈！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】