童時愛上你丨張振朗難忘40度車廂內拍攝 陳展鵬童心爆發

張振朗、陳展鵬、袁文傑、楊卓娜及胡楓等今午出席無綫劇集《童時愛上你》的宣傳活動，女主角高海寧因剛返港要隔離，與身在內地的糖妹齊齊透過視像與粉絲見面。由於拍攝時正值炎夏，振朗憶述當時與高海寧在車廂內拍攝，但因現場收音而要關掉冷氣，兩人被困在攝氏40度的車廂內，相當辛苦。

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

{{hket:inline-image name="IMG_6126.jpg"}}{{/hket:inline-image}}

{{hket:inline-image name="IMG_6112.jpg"}}{{/hket:inline-image}}

相反，展鵬則自言比較輕鬆︰「我覺得每個人本身都有童心，到拍劇嘅時候每個人就將呢一份童心爆發出嚟…今次呢套劇比較輕鬆，而且有好多笑位；自己覺得最特別係我以前多數拍動作劇，出鏡都係一件tee就搞掂，但今次就有好多靚衫。」由於劇集比較輕鬆，展鵬表示會陪女兒一同收看，拍攝時亦有跟高海寧分享自己平日跟女兒的互動，認為與小朋友相處最重要有耐性。

問展鵬父親節如何度過？他表示晚上會跟太太及女兒一起食飯慶祝︰「依家要好好珍惜小朋友成長、三至七歲嘅時光，因為呢段時間佢哋係最得意，依家佢同媽咪一齊夾份買禮物，話今晚要送畀我。」

{{hket:inline-image name="IMG_6122.jpg"}}{{/hket:inline-image}}

另外，振朗日前開拍新劇《靈氣逼人》，是繼《堅離地愛堅離地》後再度與龔嘉欣合作。對於新劇原屬李佳芯（Ali）演出，但現在換成龔嘉欣，問振朗會否感到可惜？他說︰「唔會可惜嘅，原本同視后（Ali）合作，依家就換咗馬來西亞視后（龔嘉欣），都一樣咁開心同期待。」

{{hket:inline-image name="IMG_6118.jpg"}}{{/hket:inline-image}}

{{hket:inline-image name="IMG_6080.jpg"}}{{/hket:inline-image}}

同場的楊卓娜則指，活動結束後會與家人一起吃飯慶祝父親節，她笑言為了避開人潮，會提早至六點食晚飯，但妹妹楊茜堯卻不會到場。她說︰「佢屋企仲有好細個嘅小朋友，所以要盡量減少聚集。」

撰文：黃寶蓮