日日媽媽聲｜張彥博認曾對爸爸再婚反感 憶父母繼父同場打氣：一世難忘

由余安安、羅敏莊、陳凱琳擔任主持的《日日媽媽聲》第二輯，昨晚（19日）一集請來雨僑、章志文及張彥博擔任嘉賓。

{{hket:inline-image name="24.JPG"}}{{/hket:inline-image}}

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

張彥博（Bob）的父母先後再婚，另組家庭。Bob於單親家庭長大，坦言當初對爸爸再婚的決定，確實感到反感，「我諗單親家庭嘅小朋友，都會幻想父母會唔會喺番埋一齊，當時唔敢問佢哋，怕傷害佢哋。後來到媽媽再婚，我成長咗同埋有拍拖經驗，先識得體諒其實佢哋都需要有個伴。」

Bob亦大方分享與「四個父母」的相處，指與繼父及繼母關係不錯，並很感激繼父幫忙照顧媽媽，讓他可以在娛樂圈全力拼搏。至於繼母，Bob直言初頭與其關係不算「太好」，「以前成日嫌佢煮啲嘢難食，但佢係教家政……」再仔細解釋「難食」原來是太清淡、太健康，「搬咗出去住，先發現原來佢煮嘅嘢食係好健康、好好食！」

{{hket:inline-image name="cheung3.png"}}{{/hket:inline-image}}

談到與家人的難忘、溫馨之事，Bob之前在內地參加歌唱比賽時，親生父母及繼父一同現身為他打氣，他說：「真係好感動，睇番啲片見到佢哋企晒喺身，好忘我咁幫我打氣，呢個畫面一世人都唔會忘記！」

Bob與96歲嫲嫲感情同樣要好，5歲前由爺爺和嫲嫲湊大的他，笑言嫲嫲經常有睇電視捧他場。Bob大前年更邀請了嫲嫲為新歌拍攝MV，「嗰時都係膽粗粗，因為要過好多長輩嗰關，嫲嫲就好開心，即時話要做。其中一個Shot係我拖住佢行，諗番起細個時嫲嫲成日孭住我行，而家大個咗拖住佢，仲可以喺自己MV呈現出嚟，真係好感動！」

圖片來源：大會提供、IG圖片

後父「及時」出現成就張彥博追夢 臨終前不眠不休睇繼子直播表演【下一頁】

撰文：林惠珊