艾威愛犬確診骨癌4個月後病逝 棄化療轉中醫：不良反應冇咁大

艾威的5歲半大的伯恩山犬Sashimi，曾有髖關節問題，需要進行幹細胞移植，在3、4個月前，牠不幸證實患上骨癌，病情每況愈下，至上周六（18/6）病逝，艾威今日接受《晴報》訪問時，哽咽表示：「Sashimi匆匆嚟到呢個世界走咗一轉，唔能夠畀佢白走，我必須喺佢嘅擺渡下，成就一個更好嘅艾威。」

同場加映：黎明古天樂促大灣區文創交流 熊黛林自爆內地置業等收樓

{{hket:ul-video id="5992"}}{{/hket:ul-video}}

{{hket:inline-image name="16406438_1845703348975832_320581825584107298_n.jpg"}}{{/hket:inline-image}}

Sashimi在父親節前夕病逝，艾威在父親節（19/6）到內地工作，在深圳防疫隔離，他透過電話表示：「我要喺內地一段好長嘅日子，如果當日（Sashimi離世）我唔喺度，傭人姐姐都唔知點樣搞……同埋Sashimi走，冇我哋喺身邊會變得好孤單。Sashimi走咗之後，我叫傭人姐姐唔好收埋佢嘅水兜、墊褥，等佢得閒返嚟飲吓水、瞓喺我側邊。傭人姐姐話有返嚟搵佢，但冇搵我，嗰個衰仔……」失去愛犬後，艾威將牠的毛髮和骨灰製作成手鍊，一條給自己，另一條給前妻Lisa。

Pet Pet星丨艾威領養愛犬Sashimi惹人喜愛 永不棄養：你會唔會掟仔女出街？【下一頁】

艾威憶述Sashimi在3、4個月前開始手痛，牠走路時一拐一拐，起初經獸醫診斷，還以為太重磅而要轉食減肥糧，可惜情況越來越差。後來帶牠照電腦斷層掃描，發現骨出現問題，要進行細菌化驗，艾威說：「獸醫話Sashimi嘅情況好嚴重，要切咗隻手手，我話唔好住，等我諗清楚先，因為冇咗隻手好嚴重，尤其佢咁大份；經過各方意見，加上嗰位獸醫都好有權威，應該要信佢，切完隻手手，當時話有癌細胞，如果要做化療會好貴，我就同Sashimi轉中藥，其實都唔平（醫藥費），但中藥嘅不良反應唔會咁大。」

【令人唏噓】艾威傳結束18年婚姻帶愛犬搬新居 愛妻號曾為救病妻不惜傾家蕩產【下一頁】

失去一隻手的Sashimi，艾威準備一架車仔和支架給牠代步，好讓牠慢慢復元，艾威說：「15號晚，Sashimi叫醒我，於是我開咗架車仔畀佢，佢又唔上去，等咗佢一個鐘，佢都唔上車仔，我就再瞓覺。第二朝見佢起身起得好辛苦，即刻帶佢睇獸醫，佢哋話Sashimi情況又差咗，要轉介去神經科同照磁力共振，安排咗16號入院、17號照，醫生話佢情況唔好，問我考唔考慮畀Sashimi打針，我話唔得，點都要盡最後努力，照埋磁力共振先；17號醫院打嚟，話狗狗情況唔係咁好，全身都係癌細胞，其實醫生都奇怪，只係幾日之間嘅事……冇辦法啦，18號我接Sashimi返屋企，如果喺屋企走，佢可以得閒返吓嚟探我！」

{{hket:inline-image name="50.jpg"}}{{/hket:inline-image}}

【愛心「爸爸」】 艾威曾財困無放棄助養28個孩子 為搵銀轉型 30日狂吸11萬粉絲？【下一頁】

艾威當日聯絡寵物善終服務機構，他與同樣視Sashimi為「兒子」的前妻Lisa，一起接愛犬回家，在出院之際，Sashimi情況急轉直下，醫生為牠打嗎啡針減輕痛楚。Sashimi喜歡吃的餅和香蕉，回到家後，艾威為愛犬準備，傭人姐姐亦十分不捨得牠；最後，Sashimi在他們陪伴下離世。

艾威說：「Sashimi雖然離開咗我，但仍然在我心底，一直鼓勵我，係我嘅擺渡狗。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】