為熊黛林配音 李佳芯嗌到聲沙留陰影

李佳芯（Ali）、馮盈盈及汪明荃等前晚出席第二輯《好聲好戲》宣傳活動，久未露面的Ali，透露近日報讀了一個關於情緒的課程，希望將來學有所成，幫助別人。今次參與《好聲好戲》，Ali爆對配音有陰影︰「十幾年前龍天生搵我幫手，為熊黛林幾場戲配音，嗰場戲講佢搶婚，要聲嘶力竭咁嗌，但我不斷NG，愈NG就愈無聲，真係好氣餒。」早前Ali因身體抱恙辭演新劇《靈戲逼人》，她表示現在身體已準備好，等待公司安排何時再拍劇。

同場的馮盈盈是上一輯《好聲好戲》參賽者，第二輯則與阮兆祥擔任主持，她表示做主持感覺遠較參賽輕鬆。問她是否希望獲得「最佳節目主持」獎？盈盈直言︰「我無咁諗過呀，之前《#後生仔傾吓偈》攞過『最佳非戲劇節目』，但個人嚟講，無諗過向『最佳主持獎』進發，因為覺得自己仲爭好多，咁啱近排多機會練習同學習，仲可以要向祥師兄學習。（向佢拜師？）我都打算向祥師兄拜師，學習搞爛gag。」

採訪︰倪小珊

攝影︰林良明