十八年後的終極告白2.0｜趙希洛赤腳荒山野嶺上演大逃亡 靠投入角色對抗嚴寒昆蟲超敬業

《十八年後的終極告白2.0》周五迎來大結局，劇情越趨緊張，昨晚播出的第18集更是引爆高潮！首先是Jason（陳山聰飾）有易服癖好、瘋狂一面曝光，「復仇人妻」Joyce（趙希洛飾）昨晚亦遭刺殺身亡。劇情講到Joyce與情夫徐友齊（何啟南飾）在山上纏綿時，突遭神秘人襲擊，男方齊慘死，Joyce則在荒山野嶺上演大逃亡，穿着內衣的她赤腳狂奔，一度躲進草叢，氣氛相當緊張，叫觀眾屏息以待！最終Joyce遭兇手拖行並被利刀桶死，慘烈呀！

{{hket:inline-image name="656.jpg"}}{{/hket:inline-image}}

同場加映：黎明古天樂促大灣區文創交流 熊黛林自爆內地置業等收樓

{{hket:ul-video id="5992"}}{{/hket:ul-video}}

Joyce一角對趙希洛來說絕對是演技大考驗，先是以睿智賢淑女強人示人，及後連番小產及得悉老公Jason偷食，魔性大發不擇手段進行復仇大計，集痛恨、苦惱、瘋狂、奸險及不擇手段等特質於一身；昨晚一集Joyce滿臉慌張逃進草叢，死到臨頭一幕，看得觀眾相當緊張肉緊，紛紛替她焦急，「究竟佢可唔可以逃離魔爪？」

{{hket:inline-image name="1584.jpg"}}{{/hket:inline-image}}

趙希洛受訪時稱，拍攝該場戲「相當唔簡單」，第一大難度是「堅赤腳、零保護」，「拍嘅時候有諗過黐啲嘢喺腳板底（保護），後來發現黐咗咩都冇用，都係會甩，所以最後真係赤腳跑！我平時有練跑，所以拍攝時跑跑跑算輕鬆。」第二大難度是飛鵝山環境惡劣，她說：「當晚好大霧呀！又凍又大雨，草叢又多昆蟲，好驚！而當你投入咗角色，就咩都睇唔到，淨係諗點做好場戲。」

十八年後的終極告白2.0丨陳山聰下苦功演易服癖殺人如麻 尺度問題與譚俊彥激吻被刪【下一頁】

趙希洛續指，Joyce情緒上處理亦有一定難度，她說：「同山聰終極告白呢段對話，我要望住一個好愛、好熟悉但又好陌生嘅人，講番一啲對方同自己講過嘅說話，係幾難Handle。另一段在Office發生的情節，她既喜歡又難忘的場口，「『問大家食唔食飯』嗰場戲望落好簡單，但其實係互相憎恨，表面上好愛對方咁，一擰轉頭就變臉！」

有網民覺得Joyce復仇去到咁盡有點不合理，趙希洛補充說︰「Joyce情緒陷入了谷底，故此容易走向偏激。我喺Joyce嘅角度去諗，一生之中最愛嘅男人出賣咗佢，令佢人生所有嘢幻滅……冇咗BB，冇家庭，冇埋老公，冇晒人生希望，仲有連事業都失去埋。當佢人生所有嘢都冇晒，只能用盡方法令自己個心好過啲，先做做出喺人哋眼中唔理智又唔係咁合理嘅行為。」解釋得恰到好處呀！

圖片來源：大會提供

十八年後的終極告白2.0｜邵展鵬慘被黑化譚俊彥推落山殺死 「個角色到呢集就死係啱啱好」【下一頁】

娛樂組