Edan孖基仔開Live變「巨爵會」 鏡頭前互騷下半身不慎露底

古巨基與人氣男團MIRROR成員呂爵安（Edan）合唱《飄流教室》，MV昨日上架，至今日中午錄得超過37萬點擊率，兼且是熱門音樂影片榜首。兩人昨晚相約IG開Live互動，吸引1.4萬人收看，期間，不時聽到基仔的兒子Kuson大叫，網民留言表示：「聽到Kuson嗌爸爸！」基仔笑言有網民指二人今次合作是「巨爵會」，Edan扮尷尬笑說：「呢啲唔講啦！哈哈哈！」

同場加映：黎明古天樂促大灣區文創交流 熊黛林自爆內地置業等收樓

{{hket:ul-video id="5992"}}{{/hket:ul-video}}

{{hket:inline-image name="08.jpeg"}}{{/hket:inline-image}}

{{hket:inline-image name="3253464575.JPG"}}{{/hket:inline-image}}

基仔表示過往開Live，只會看到對方的上半身，笑問Edan的下半身是否穿孖煙囪，Edan說：「我平時係著睡褲，唔係孖煙囪，本身係著呢條，但我諗咁難得同基仔開Live，尊重番個場合，所以我係著咗條長褲，你呢？」基仔立即起身說：「我都有著褲㗎，哎呀……唔小心呀！」Edan一邊拍掌一邊笑說：「底褲都見到喇！」

飄流教室丨Edan偶包太重唔敢同許恩怡錫錫？ 陪女友追星體會「前夫」感受【下一頁】

Edan與許恩怡（Natalie）在MV裏的愛情故事，引起不少年輕人的共鳴，他說：「可能大家都有經歷過，鍾意咗好熟嘅異性朋友，最後唔夠膽表白……基仔，你有冇試過？」基仔坦言歌曲是他的親身經歷，「好友變成女友，最後發現都係做朋友最好。」再見亦是朋友。Edan笑稱基仔是否會因過去情史而要跪玻璃？基仔笑說：「唔會！個仔都咁大啦！你有冇咁嘅故事呀？」Edan說：「中學嘅時候，我鍾意過一個好朋友，但佢係同我Best Friend一齊，所以最後都冇啦，都係Keep住做朋友。」

Edan呂爵安@MIRROR拍《季前賽》被隊友嫌棄 「大家唔參與我射3分波嘅場口」【下一頁】

{{hket:inline-image name="71.JPG"}}{{/hket:inline-image}}

{{hket:inline-image name="658576.JPG"}}{{/hket:inline-image}}

《飄流教室》MV故事中，一段Edan陪Natalie到基仔的簽名會的情節，基仔大讚Edan演技好，「我見到爵仔令角色更加立體，一個男仔陪老友去追星，但心諗追乜鬼星吖！你會去諗點呈現人物的心思，而唔係淨係講對白去交帶……呢個係我旁觀睇到，你好用心。」Edan說：「我諗做一個唔鍾意Natalie去追星嘅人，好似好睇啲！呢個反差好得意，喺你面前好似嫌棄你，但最尾又同你握手……」基仔接著說：「係呀！你嘅設計真係好好，就係呢個反差，Natalie都做得好好。」拍攝MV當日，Natalie的媽媽柏安妮亦有到場，提點女兒。

同時，Edan表示體會到「前夫」的心情，笑說：「係呀！感受到被人掹出嚟（追星），『都唔知有乜咁好睇！Edan有咩好睇啫？』哈哈哈！前夫嘅心情……但冇計喎，佢叫你出嚟又冇得唔嚟喎，咪嚟囉，睇吓咩料！」MV尾聲，Edan、Natalie沒有咀嘴，男方解釋：「唔想破壞咗朋友關係，因為朋友關係係最舒服、最安全，擔心踏出咗嗰一步，倒頭來連朋友都冇得做，做朋友好啲。」基仔表示看到「爵屎」（Edan Fans暱稱）留言「唔准鍚」，Edan尷尬笑說：「拍戲！拍戲嘅嘢，遲啲實有。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】