黃夏蕙被偷拍網民鬧爆的士司機 反客為主大方自嘲：我唔制呀！

「夏蕙BB」黃夏蕙早前宣布8月將移民，唔少網民對佢離開香港都大呼不捨，人見人愛嘅佢實在為大家帶嚟唔少歡樂。近日黃夏蕙又成為討論熱話，事關有的士司機喺社交平台分享夏蕙姨嘅偷拍照，有人批評司機偷拍乘客嘅行為缺德，事件更釣出夏蕙姨本人親自回應。

同場加映： 黎明古天樂促大灣區文創交流 熊黛林自爆內地置業等收樓

{{hket:ul-video id="5992"}}{{/hket:ul-video}}

有網民昨日喺facebook群組上載夏蕙姨偷拍照，當時夏蕙姨喺的士車廂內瞓覺，冇戴口罩嘅佢手上仲拎住支開咗蓋嘅唇膏，Post主寫道：「夏蕙姨搽搽吓唇膏瞓咗覺，點算好？」帖文被轉至多個群組，引起大家討論。

{{hket:inline-image name="286193029_7677409965634860_3498420982895365467_n.jpg"}}{{/hket:inline-image}}

唔少人都批評司機偷拍乘客冇職業操守：「的士佬咁冇品」、「人哋都幾廿歲啦，仲肯四圍走來走去，攰到即場瞓著都畀你偷拍」、「冇人會想自己睡相畀人咁放上網」、「好差囉！不尊重長者客人」。唔少自稱係同行嘅網民都群起怪責，「咁冇職業操守嘅？」、「成個行業畀你搞彎晒。」

夏蕙姨喺佢個人FB發帖文截圖，冇嬲不特止，仲幽默輕鬆回應指自己當時係拍完節目想喺的士上稍作休息：「我唔制呀！啱啱幫Good Show TV拍完嘢，想抖一陣，咁都畀的士哥哥偷影到，我攞住支唇膏瞓死咗個樣！」貪靚嘅夏蕙姨收工都要補妝，但畀人影到毫無準備嘅睡相又一啲都唔介意，真係好大方呀！網民都大讚佢善良，唔不追究司機嘅偷拍行為，「夏蕙BB EQ真係好高」、「應該係影相嗰個人要尷尬」，有網民更加讚佢睡相都好好睇，偷拍「照妖鏡」對佢一啲攻擊力都冇呀！

圖片來源：Facebook

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】