【聲明】港生活網站並無進行電話推廣活動

拍MV有型至上 盧瀚霆懶理周身傷

發佈時間: 2022/06/24

人氣男團MIRROR成員盧瀚霆(Anson Lo)最近推出新歌《King Kong》,無論音樂製作及MV,都為樂迷帶來不少驚喜。Anson Lo拍MV時更毫不錫身,結果多了不少傷痕,令「神徒(Anson Lo粉絲)」大表心痛。

盧瀚霆的新歌《King Kong》幕後製作班底強勁,負責作曲的幾位外國音樂人大有來頭。當中音樂人Ninos Hanna為格林美音樂大獎得主,而另一作曲人Willie Weeks亦曾為天團BTS寫歌。Anson Lo表示新歌跟以往作品不同,特意加入電子元素;而且歌詞密密麻麻,他笑言已盡力唱得清晰。

舞蹈方面,Anson Lo表示特意選擇大手大腳的步法。他說:「我哋會諗King Kong形象係咩?應該會有唔同動作,甚至打自己心口。我哋就將呢啲元素擺入歌,大家睇多幾次,就發現手部動作做主導,同用前臂比較多。」雖說舞步較以往歌曲簡單,但因動作幅度大,拍MV時反而更難,他說:「MV件衫用好多金屬扣拼埋一齊,成件衫好重,一郁就好似做gym舉鐵咁;拍MV時細扣鬆開或叉開,就刮到我啲肉。」他笑指不少神徒十分眼利,見到他身上有疤痕,其實都是拍MV刮傷。

手部受傷爆血

除了歌衫刮傷皮膚,Anson Lo拍攝期間亦𠝹傷手:「有幕搭升降機,製作團隊做咗一個生鏽鐵籠,上面好多生鏽物料。我要對嘴拍mood shot,唔能夠就住,否則就唔夠有型,所以我一嘢摸落去,最終隻手𠝹到爆血,好似被一把刀𠝹開咁,但只係皮外傷,唔係好痛。」他笑言每次拍攝歌曲MV,都想帶出不同感覺,今次《King Kong》可算是心願達成,既做到有氣勢、有神秘感,亦有壯觀畫面,是自己計劃之中想做的事。

撰文︰ Pauline

美術:梁政敏

拍MV有型至上 盧瀚霆懶理周身傷

新歌舞步不時要揮動手臂,經常刮傷而不自知。

拍MV有型至上 盧瀚霆懶理周身傷

難得早收工回家的Anson Lo,立即跟愛犬Amber玩錫錫遊戲。(IG截圖)