【聲明】港生活網站並無進行電話推廣活動

易服後咀譚俊彥片段被剪 陳山聰預告大結局畫面更激

發佈時間: 2022/06/24

無綫劇《十八年後的終極告白2.0》今晚大結局,前晚一集亦高潮迭起,飾演Jason的陳山聰易服造型曝光,其嬌艷的女人look非常吸睛。山聰與趙希洛前晚開IG直播,大爆山聰跟譚俊彥有咀嘴鏡頭,惟因尺度問題遭刪走;但山聰預告大結局有更激的場口,相信劇迷們定必引頸以待。

在前晚一集中,陳山聰的易服演出可謂搶盡風頭,變身成金髮女郎的他,無論外形及神情均十分妖艷,網民對其破格演出有讚無彈。山聰前晚在IG上載多張幕後花絮,特意感謝化粧師之餘,又希望「無嚇親大家」︰「作為一個演員,收到任何角色都一定會盡力去演活佢,我係一個好crazy(瘋狂)嘅演員,所以我一定全程投入。首先感謝監製同編審創作咗呢個角色畀我,感謝視帝(譚俊彥)肯陪我癲。」

山聰和趙希洛前晚開IG直播時,坦言為易服橋段保密忍得很辛苦︰「當知道監製安排我演易服男,第一時間唔係抗拒,反而覺得陳山聰易服一定要靚,唔可以肉酸嘅!我搵我個仔契媽,一位著名化粧師幫我設計,我要做到成個韓國女仔咁。要大家接受陳山聰成為一個女性、一個易服癖嘅人,唔係容易嘅事,盡量做到唔好咁噁心啦!」

獲安排私人化粧間扮女人

山聰又透露最後幾集的劇本只有他、趙希洛、譚俊彥和龔嘉欣收到,其他演員都不知道劇情發展;拍攝期間,山聰更獲安排在私人化粧間化女人粧,以免「穿橋」。由於山聰在IG上載了激吻譚俊彥的相,但劇情沒有交代,他解釋︰「剪走咗!可能尺度問題,呢個我都明白…最激嘅仲未出現,大結局仲有激啲嘅!」山聰直言演繹Jason一角難度甚高,而且曾有段時間未能抽離,但他強調︰「就係要有呢個情緒先可以跳出框框,無底綫咁去演好呢個角色。」

撰文︰倪小珊

美術︰梁政敏

易服後咀譚俊彥片段被剪 陳山聰預告大結局畫面更激

山聰和譚俊彥的激咀片段被刪除,十分可惜。(IG圖片)

易服後咀譚俊彥片段被剪 陳山聰預告大結局畫面更激

趙希洛前晚與山聰開直播,大談劇情發展。(IG圖片)