姜濤被問如果冇參加《全民造星》 估計做體育老師：我好鍾意小朋友

鄭中基主理的YouTube「機動電視台RTV」，昨晚邀請姜濤亮相節目，大玩「真心話大冒險」，藉此宣傳HPV健康教育。玩遊戲時，姜濤用「診所姑娘語氣讀出HPV訊息」時，鄭中基突然「暴龍哥」上身配合他，搞到姜濤全程忍笑，拍晒手開心地笑說：「終於有機會現場睇到暴龍哥英姿！」

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

{{hket:inline-image name="61.jpg"}}{{/hket:inline-image}}

{{hket:inline-image name="62.jpg"}}{{/hket:inline-image}}

鄭中基指姜濤是他的同母異父的兄弟，後者說：「因為毛姐（毛舜筠）做過我哋嘅阿媽！」同時透露未入行前，十分喜歡看鄭中基的電影，「同你合作你我嘅夢想……」鄭中基笑說︰「可以考慮嘅，分享一下演戲心得。」

在玩「真心話大冒險」時，遊戲規定若不回答，則需用特定語氣讀出有關預防HPV的訊息。鄭中基先後以領導人、街頭銷售員的語氣成功過關，而姜濤則以面對仇人的兇惡語調、診所姑娘的語氣讀出相關資訊，場面爆笑！

問到姜濤若無參加《全民造星》，現在會做甚麼？他說：「我未參加《全民造星》之前，係讀Sport Coaching（運動教練學），因為我好鍾意小朋友，我諗自己會做一個小學體育老師。Sport Coaching係每項運動都要讀，咩運動都玩過，攀石、游水……我全部想考證書，但考唔到。」

姜濤後悔自爆「A0」要永遠成謎 入行後媽媽朋友突增 姜糖直呼奶奶【下一頁】

提到自己最大缺點，姜濤︰「有時硬頸到完全唔聽身邊人嘅意見，對於自己嘅歌，或者對於自己嘅表演，不嬲都係……可能件事係錯，我都繼續做落去，如果唔堅持己見，我會成世記住，我唔想後悔！所以好多時都好硬頸，有時的確……出到嚟效果冇咁好。」鄭中基聽後說「做藝人就係需要一份堅持」，姜濤：「我好努力搵緊嗰個平衡。」

姜濤遺憾冇完整中學生涯 「內心深處有種唔順氣自己咁肥」【下一頁】

{{hket:inline-image name="78941436_104421911008400_1681853642932336183_n.jpg"}}{{/hket:inline-image}}

{{hket:inline-image name="279213556_379584564092846_5510537701616251728_n.jpg"}}{{/hket:inline-image}}

問到他近期一個後悔的決定，姜濤一直想一直想，說：「講唔講得？最近我同花姐又鬧交……唉……因為一啲事，真係好激親佢，嗰件事我係好後悔，我同佢喺電話入面鬧交，佢真係激到好嬲！花姐同我鬧交鬧得最勁、最甘嘅一次，甘到我聽身邊啲人講，佢要食高血壓藥……我聽到之後真係好後悔！唔應該咁樣同佢嘈呢件事。」

最後姜濤提到預防HPV，「我做教育大使，香港平均每日都有男士罹患HPV相關疾病，個案多過女士，為咗保護女朋友，男人係要挺身而出，及早預防HPV！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】