見義勇為︳視障人士拖導盲犬入茶樓被拒 10歲童挺身指正：導盲犬可以入

見義勇為實在可嘉！現今仍有不少人對導盲犬不甚了解，有網民日前在酒樓飲茶時，目睹一名視障人士欲攜同導盲犬入內，惟侍應及經理均表示除非將導盲犬放入狗袋或狗車，否則恕不招待。此時，一名年約10歲的男童見義勇為，大聲指正「導盲犬可以入餐廳，唔使用寵物車」，更著視障人士不用理會「三姑六婆」的閒言閒語，令網民十分佩服及讚嘆不已。

同場加映：

Healthy Life︳風寒入侵易致鼻敏感 中醫兼健身教練徐博士教一動作紓緩+斷尾關鍵

{{hket:ul-video id="5976"}}{{/hket:ul-video}}

Facebook專頁「生仔要考牌系列」周二（21日）刊登讀者投稿，事主指日前他與家人坐在酒樓近門口位置飲早茶時，目睹一名視障人士拖著標示了「導盲犬」字眼的狗狗入內；職員見狀後，立即問視障人士：「有冇帶車或者狗袋？」

視障人士回答「冇」後，解釋狗狗為導盲犬，「受過訓練唔會咬人，唔會騷擾人」，惟職員堅持：「唔得喎，我哋呢度一係入狗袋，一係用狗車。」正當事主想出聲時，一名坐在他對面年約10、11歲的小朋友大聲指正：

「導盲犬可以入餐廳㗎，唔使用寵物車！」

職員猶豫後，稱「要問吓經理先，因為我哋驚畀人投訴」；未幾經理前來處理，竟向視障人士講：「你入嚟啦，快少少食，一陣食環嚟查，我哋就大鑊。」同時，不少食客的眼神十分嫌棄，更稱「驚會食到啲狗毛」。隨後，視障人士獲安排坐到最後面的座位，當經過小朋友一家時，小朋友表示：

「唔使理佢哋，隻狗狗好可愛。」

對於小朋友十分懂事，媽媽亦深感安慰，遂撫摸其臉龐讚他「叻仔」。對此，目擊一切的事主表示：

「呢啲鼓勵真係好重要，因為畀個小朋友知道，就算大部人覺得係錯嘅事，其實你（個小朋友）先係啱㗎！我好佩服個小朋友嘅勇氣，我諗我好似佢咁細個嗰時，應該係唔敢出聲嗰個。咁細個識見義勇為，係叻仔嘅！」

最後事主又指，食環署並不會捉導盲犬，「而且我再Google確認咗，如果唔畀導盲犬入嘅，有餐廳就係真係犯法。」

網民大讚：媽媽教得真係好好

此事引來網民熱議，不少人認為酒樓職員、茶客沒常識及安理心的同時，又大讚小朋友有愛心、勇敢，而且媽媽亦教得好好：

大家如果遇到導盲犬，有甚麼禮儀要遵守？

「三不一問」

內容獲「生仔要考牌系列」授權刊登

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴