蒙嘉慧日本Chill爆瞓公園草地 網民勁羨慕：養到肥肥白白

現年48歲嘅「幸福人妻」蒙嘉慧（Yoyo）自嫁鄭伊健之後都好少喺幕前出現，同老公過住悠閒嘅生活。蒙嘉慧去年更獲鄭伊健揼本逾百萬於福岡開設房地產公司，主打物業管理。Yoyo早喺今年4月於社交網表示己經抵達日本開始返工，最近佢喺公司個人社交平台分享咗一條喺當地生活嘅短片，唔少人睇到話好羨慕呀！

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

Yoyo上載咗一條喺福岡一個公園拍攝嘅短片，留言：「為一張相，曬咗一日……聽日有啲想射波。用單車15分鐘就搞掂晒啦，識踩單車快人一步。」Yoyo不施脂粉，打扮非常撲素，喺大樹樹蔭下躺平，相當優哉游哉。Yoyo坐番起身，但雙眼好似畀太陽曬到擘唔大咁，佢望鏡頭大叫：「我唔想再同啲唔識踩單車嘅同事去公園呀。」揸機嘅朋友都忍不住大笑，非常歡樂！

{{hket:inline-image name="200.JPG"}}{{/hket:inline-image}}

鄭伊健與蒙嘉慧結婚多年，二人有共識唔生育，享受二人世界想做就去做，身為日本達人嘅鄭伊健早年已喺福岡置業，同蒙嘉慧一年飛日本幾次，每次都逗留三個月，同半移居無分別。疫情前鄭伊健與蒙嘉慧喺日本慶祝結婚七周年，更被影到於福岡街頭踩單車，睇嚟Yoyo都掛住老公呢個單車buddy。

唔少港人都係「哈日族」，見到Yoyo可以喺當地長居，都大叫羨慕，留言：「我都想可以咁樣喺公園行一日。」「Yoyo好食好住，養到肥肥白白。」、「生活態度。」、「人生終極目標。」