獲楊紹鴻邀請主持《一起走過》 文頌嫻回憶那些年的合作點滴

由資深電視人楊紹鴻主持的港台訪談節目《一起走過》，從2020年九月開始播放，至今已做到第三輯，楊紹鴻亦找來文頌嫻任新拍檔。首度任電台主持的文頌嫻，與楊紹鴻認識多年，兩人早前接受本報專訪，互笠高帽，大談昔日合作的一點一滴。

《一起走過》自播出以來，吸引到不少香港、美加等地的聽眾，由於收聽率高企，決定添食第三輯，逢星期六晚10時20分播出。主持楊紹鴻與新拍檔文頌嫻、節目監製胡世傑早前接受《晴報》專訪，表示今輯將邀請曾拍劇的演員任嘉賓，包括鮑起靜、歐錦棠及羅樂林等。

笑指自己是執二攤

楊紹鴻在70年代投身無綫，任職電視劇編導，曾參與不少劇集的製作，如《上海灘》、《蘇乞兒》等，至90年代跳槽到亞視，監製《再見艷陽天》及《穆桂英》系列等。

而於90年代加盟亞視的文頌嫻，曾接演不少由楊紹鴻監製的劇集，二人可謂「一起走過」不少日子。今次楊紹鴻邀請文頌嫻做電台節目拍檔，文頌嫻笑言︰「我拍劇嘅第一次畀咗佢，電台嘅第一次又係佢，我私下都問佢，我係咪執邊個二攤㗎？佢話『唔係，我第一個就搵你。』我成條氣即刻順番。」楊紹鴻即表示︰「睇佢幾咁嘴刁、口齒伶俐，做電台啱晒佢啦！」

感恩亞視給予機會

談到以往合作的點滴，文頌嫻憶述︰「最難忘係拍《穆桂英II十二寡婦征西》，當時仲有一個月就拍完，但佢（楊紹鴻）就要走，因為成個製作部要解散，搞到我哋嘅士氣好低落。當時我哋已經培養咗好好嘅感情，因為已經拍到第二輯，所以真係一起走過。佢走咗，我梗係等到滿約即刻走。」

楊紹鴻指文頌嫻雖然不是訓練班出身，但十分聰明，大讚她演技一直有進步。文頌嫻說︰「我好好彩，亞視畀好多機會我，佢哋好培育新人，我喺第二套劇《鳳凰傳說》已經做主角，嗰套仲有張家輝，結果套劇放喺午間劇場播，但口碑好好，公司加咗我50%人工。」

撰文︰黃曉妍

美術︰梁政敏

攝影︰關穎恩