【聲明】港生活網站並無進行電話推廣活動

力數新工人騎呢事件 孫慧雪︰推咗屋企隻窗落街

發佈時間: 2022/06/27

孫慧雪最近聘請新外傭,但短短兩星期已麻煩多多,昨日她在社交網指工人姐姐前日放假,但竟到昨晨六時多才回家,加上對方不願做家務,決定「分手」炒掉工人。她力數工人姐姐的騎呢事件︰「第一日(返工)佢失聯,後來話前僱主幫佢搞farewell party,所以失蹤咗一日。」她指工人姐姐沒有為一家人洗衫,起初以為對方不懂操作洗衣機︰「佢話『我識呀』,已經幫自己洗咗幾機衫,然後我先發現,係喎,晾起全部都係佢啲衫!」

孫慧雪說︰「佢(工人姐姐)要求每晚要有me time做運動,都唔緊要,但佢晚晚一早自己收工,唔會再幫手,然後攞瑜伽墊,換晒full set運動衫做瑜伽!」她指工人返工數天已表明做不完家務,叫她多請一個工人。她又說︰「最誇張嘅係佢第一日入屋,用神力推咗我屋企隻窗落街!之後佢同我講,隻窗係自己跌咗落街!(註︰隻窗喺工人房)」不少網民認為工人姐姐「博炒」;而吳若希則建議孫慧雪向入境處報告事件,將該名工人列入黑名單。

力數新工人騎呢事件 孫慧雪︰推咗屋企隻窗落街

孫慧雪展示遭工人推落街的窗框「屍骸」。(FB圖片)