「好姐姐難求」，相信這句說話香港每一個僱主都有同感，由於外傭大多數來自菲律賓、印尼等地方，不同的文化，不同的生活背景，相處在同一屋簷下難免都有磨擦。特別是疫情三年期間，外傭輸入大受影響，令「姐姐」需求量大增，連人工都叫「炒價」才能請到人。孫慧雪在FB分享近日換了新的外傭姐姐，沒想到兩星期相處發生七不思議事件，最終都是「分手」，不少僱主們見字都深表同情。
同場加映：區永權感恩司儀工作贏得信任認同 公開自閉兒經歷望鼓勵同路人
日日媽媽聲丨孫慧雪過度緊張囝囝老公反對 誤會骾親倒吊狂掃：塊面都變色【下一頁】
雪雪在凌晨2點幾在FB留言說：「新請咗位姐姐，佢今日放假但到而家2:33am都唔返屋企，你哋覺得應該點做？」不少網友都留言叫雪雪直接「炒魷」，雪雪自認「太捻善」，對方竟答自己身在男朋友家中，然後「玩失蹤」。雪雪隨後說：「多謝各路英雄嘅意見！姐姐最後喺今朝6點先返，一路瞓覺唔起身，我自己洗晒碗餵完小朋友，十一點先叫醒佢，佢話我唔舒服咪唔返嚟囉！我話你唔洗（使）講大話啦！所以已經同佢分手～其實我EQ都好高，不如我詳細講出嚟，等大家有花生食。」雪雪將「姐姐」的七不思議事件列出：
1. 本來應該到嗰日，即第一日，佢失聯，後來再出現話前僱主幫佢搞farewell party，所以失蹤咗一日；
2. 嚟到唔做嘢，我洗衣籃傾瀉，我哋問佢係咪唔識用洗衣機啊？，不如教你呀？佢話：我識呀，已經幫自己洗咗幾機衫，然後我先發現，係喎！晾起全部都係佢啲衫！
3. 佢嚟到第一日，要求每晚都要有me time做運動，都唔緊要，但係佢晚晚一早就自己收工，唔會再幫手，然後攞瑜伽蓆，換晒full set運動衫，做瑜伽！跟住又係洗自己啲做完運動嘅full set運動衫唔係我哋啲衫⋯⋯
4. 面試時，佢話自己好內向，唔鍾意出街，剩（淨）係會匿喺屋企，除非有緊要事要辦先出去，下午兩三點都已經會喺屋企，結果第一日放假，佢話夜晚11點先返，我哋O晒嘴，話佢interview都唔係咁講，佢話：「我鍾意匿喺男朋友屋企，可能我幫慣外國人做嘢囉，同你哋style唔同」
5.佢做咗幾日，表明自己就做唔晒啲嘢㗎啦，「你哋請多個姐姐嘅時候，我再同佢傾，點樣合作做你哋屋企啲嘢啦」，其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time
6. 最誇張嘅係：第一日入屋，佢用神力推咗我屋企隻窗落街！！！！真係非常好彩係，無傷到人！！！之後佢同我講， 隻窗係自己跌咗落街！（註：隻窗喺工人房）
利申：我哋屋企係新裝修，仲要有驗窗，可能係之前啲姐姐整鬆咗，都唔可以完全怪晒佢嘅！不過係我人生入邊一件好難忘嘅事！
7. 叫佢幫我哋攞嘢，佢話佢攞唔到，叫我哋自己攞
太多⋯⋯不能盡錄！
係咪好精彩？
歡迎大家都可以分享吓你哋姐姐嘅不思議！
星格BOSS︳孫慧雪囝囝偏食促成開店賣食材 目標成立分店 自設食品廠【下一頁】
雪雪的留言掀起網友熱烈的討論，她更將窗戶的「屍骸」分享，大家見圖後紛紛都認同幸好沒有傷及途人。同樣是星級父母的楊潮凱大表精彩，而吳若希留言說：「哇！！不如⋯⋯ 報俾入境處聽，black list佢啦」雪雪回應指會好好努力寫好這封信。至於鄭世豪則建議雪雪應上鄭中基的YouTube Channel分享「匪夷所思」姐姐系列，實在令人期待。
其實3年前，雪雪曾經遇到外傭姐姐，竟遭財務公司追債，而後來她在YouTube節目分享，一位照顧兒子Riley的姨姨竟然唔著Bra通屋走，「姨姨唔鍾意戴Bra，我老公就好無奈，因為好明顯睇到，都算！佢鍾意唔著褲，剩係著住底褲，喺間房行去浴室度。我老公有時喺間房就會睇CCTV睇吓小朋友，大鑊啦，一開就見到阿姨冇著褲。」雪雪更形容阿姨換完片唔洗手，因為童子尿唔使洗手。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉