《一起走過》訪問｜樊亦敏當年為羅兆輝拒吳京追求？ 「做朋友唔會理佢係有錢定冇錢」

現年51歲的樊亦敏是1991年港姐最上鏡小姐的得主，美貌早已得到肯定，她於1998年同初出道的吳京合拍內地劇《太極宗師》時，有傳男方被其深深吸引。吳京於2017年憑電影《戰狼2》爆紅後，有內地網站再炒作這段新聞，聲稱當年樊亦敏提出拍拖條件，要吳京在3年內賺到500萬，可是轉頭卻跟已故商人羅兆輝扯上關係；而更爆笑是樊亦敏在《我瞞結婚了》中的賣魚look劇照，被形容是貪慕虛榮的下場。

{{hket:inline-image name="06272002.jpg"}}{{/hket:inline-image}}

{{hket:inline-image name="06272001.jpg"}}{{/hket:inline-image}}

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

樊亦敏這次接受港台《一起走過》主持人楊紹鴻、文頌嫻訪問，期間被追問吳京同羅兆輝的事情，樊亦敏罕有作出回應：「呢件事真實性有幾多？大家當花邊新聞去睇，但要冷靜去分析呢件事。當然識得呢兩個人（指羅兆輝同吳京），但係網上嘅人繪聲繪影咁寫出嚟，我都想問吓佢嘅消息係點嚟。其實除咗呢單新聞，之前有人拎咗我賣魚劇照，喺網上話我轉咗去賣魚，首先想講賣魚係正當職業，唔可以貶低任何職業嘅人。我有出律師信畀內地網站，所以停咗無再講，律師有講過呢啲情況太多，邊可能理得太多。」

星光路上丨樊亦敏爆小六開始已接拍廣告 自揭講說話一輪嘴其實有原因...【下一頁】

至於為何被某些內地傳媒抹黑？樊亦敏話：「唔知呢啲係咪叫抹黑。（相隔20年又再講？）應該係我嘅事業太失敗。（當年事實是否如此？）我嘅私生活係相當低調，識我嘅人會知我係點樣。首先唔好講我係咪同呢個人拍拖先，我拍《太極宗師》係97年，羅生係我一個朋友，佢已經唔在人世，再講一個唔在人世嘅人，首先覺得你唔尊重佢先，又唔公平，我喺91年已經識羅生，佢係一個好nice嘅人，佢有佢嘅新聞，大家都知道每一個人同朋友或屋企人會有唔同嘅表現，而我係唔鍾意解釋好多嘢，譬如呢個人今日講呢件事傷害到我，或者因為咁有份工，咁我當係幫助咗你，但日常生活上係傷害唔到我。可能而家吳生係好紅啦，我好榮幸同佢拍過《太極宗師》，我真係唔知呢啲嘢點傳出嚟，或者搵日叫吳生出嚟講一講，我唔介意大家一齊坐低講；肯定唔係我講出嚟，亦應該唔似係佢講出嚟啦。」

（↓點擊放大睇圖片↓）

樊亦敏強調結交朋友時，不會理對方是有錢還是冇錢，可能跟她本身沒有家庭壓力有關。追問至今仍是單身的原因？她表示：「咁啱囉，可能閃婚都未定，其實係有遇到，但自己又唔知點做，而家結唔結婚又同以前唔同咗。（好享受單身生活？）各有各嘅享受，我又未結過婚，事實上由細到大同免疫力病共存，同我形影不離咁多年，最緊要係人健康同開心，無論人哋講你啲乜嘢，或者覺得你係點，最重要是我自己可以為自己企喺度，唔需要再講一個人對我好定唔好，或者做過啲咩，可能我從來唔會去講任何人一樣嘢，所以令到人有機會話番我。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】