正與無綫洽談續約 高海寧︰人生交叉點

高海寧（高Ling）與張振朗昨日宣傳新劇《童時愛上你》，剛從內地工作回港的高Ling，完成隔離檢疫出關，她表示暫不用再返內地工作，並十分期待新劇推出。提到她在劇中的性感演出，她笑說︰「有場講我得番八歲智商後，我沖完涼唔識除bra，後來扯爛佢掉咗，就無戴bra着件白色tee出嚟，嚇親張振朗，當然其實我有打底啦。」她笑指振朗不時會爆肚，感覺似考試，又大讚對方的爆肚令她有更自然及真實的發揮。

另外，有指高Ling與無綫的合約快將完結，她表示︰「其實今次返嚟都有傾合約，不過我咁耐以嚟一個獎都無，就知無續約換獎呢回事，我覺得攞獎係要靠天時地利人和，角色獲觀眾認可更重要。」有指她主力返內地發展？高Ling說︰「有機會打開另一個市場當然好…關於我嘅前途都要諗清楚，因為都係面對自己人生交叉點。」

採訪︰Pauline

攝影︰林良明