《回歸光影頌》丨陳山聰兩度與劉穎鏇演父女 盼對方與囝囝Jaco上契

為慶祝香港回歸25周年，無綫打造《回歸光影頌》劇集系列，當中包括五大單元劇及15集連續劇《回歸》。一眾演員今午出席記者會，其中有份參演單元劇《我的驕傲》的陳山聰及劉穎鏇（Tiffany），第二次演父女，山聰即大讚「女兒」乖，更笑言想對方做囝囝Jaco的契媽。

{{hket:inline-image name="DSC_3831.JPG"}}{{/hket:inline-image}}

{{hket:inline-image name="DSC_3867.JPG"}}{{/hket:inline-image}}

同場加映：東張西望丨區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

山聰在單元劇《我的驕傲》中飾演劉穎鏇及朱敏瀚的爸爸，雖然只是單元劇，但山聰為了讓角色更逼真，刻意將頭髮漂白，非常認真。提到今次是山聰與Tiffany第二度演父女，山聰表示︰「Tiffany好乖，開工嗰陣成日買嘢畀我食。（兩人上契？）反而我個仔Jaco就快生日，佢可以做我個仔嘅契媽，哈哈！」

{{hket:inline-image name="DSC_3611.JPG"}}{{/hket:inline-image}}

在劇中演升旗手的山聰，表示為了拍攝升旗場面，特意到黃竹坑訓練了五天。他說：「原來升旗一定要喺19下內完成，淨係訓練呢個動作都做咗三日，如果唔係拍呢套劇，都無機會試升旗。」而Tiffany在劇中要講流利國語，她直言有用功練習，加上有老師指導，最終拍攝順利。

{{hket:inline-image name="DSC_3658.JPG"}}{{/hket:inline-image}}

{{hket:inline-image name="DSC_3913.JPG"}}{{/hket:inline-image}}

另外，參與單元劇《究竞天有幾高》的龔嘉欣，她指拍攝時才知道香港人有份參與製造火箭，「拍嘅時候我哋去咗理工大學嘅實驗室，原來當中有零件係香港人做，令我大開眼界，見到1︰1火箭更加震撼。」提到嘉欣在劇集《十八年後的終極告白2.0》最後一集中爆喊，其演技備受讚賞，她憶述當日拍攝了六、七小時，喊到崩潰，又擔心自己演得未夠好，但感激對手譚俊彥帶她入戲。嘉欣笑言︰「有場戲我要掌摑譚俊彥，打完佢之後我隻手腫晒，我從來未摑過男人，手感真係好正。」

{{hket:inline-image name="DSC_3883.JPG"}}{{/hket:inline-image}}

{{hket:inline-image name="DSC_3772.JPG"}}{{/hket:inline-image}}

至於在劇集《回歸》中，郭晉安（安仔）和陳煒（煒哥）有多場感人戲，令兩人經常眼濕濕，他們互相取笑對方眼淺；不過煒哥大讚安仔︰「佢話喊就喊，係架好勁馬力嘅跑車，我就係一部環保嘅電動車。」而安仔自言容易受感動，並透露︰「14歲嘅大仔最近同我討論價值觀，我好感動，好想喊出嚟。」

{{hket:inline-image name="DSC_3656.JPG"}}{{/hket:inline-image}}

何廣沛及陳曉華（Hera）於《回歸》中，分別扮演安仔及煒哥的年輕版，一集內交代二人相識、相愛、懷孕、爭吵至離婚，經歷甚大的情緒起伏。何廣沛坦言：「合作拍《異搜店》嘅時候，我哋只係普通同事，但呢次我哋嘅友誼昇華咗，培養出好好嘅默契。（想再合作？）想㗎。」二人表示難忘一場淋雨的感情戲，何廣沛笑說：「我有讚佢出水芙蓉呀。」

{{hket:inline-image name="DSC_3930.JPG"}}{{/hket:inline-image}}

採訪：黃寶蓮