遭太太投訴呃飲呃食 林利自爆上周被外母斬傷

林利三年前與年輕14載的台灣太太陳貞均結婚，不過兩人婚後聚少離多，更多次在社交平台隔空對罵。日前，陳貞均在FB上載和林利的對話影片，帶醉的她直斥老公「呃飲呃食」，又質問︰「我的鑽戒呢？我的婚禮呢？」最後她嬲爆表示︰「那我們到此為止！」林利則拋下一句︰「沒關係，你喜歡到哪為止都可以。」

本報聯絡身在台灣的林利，他無奈道︰「佢（老婆）飲多咗，唔係第一次㗎喇！（你呃飲呃食？）咁叻嘅女仔點會被我呃到咁耐？台灣層樓首期係佢畀，我有幫手供，仲幫佢畀卡數，應畀嘅都有畀。」對於老婆經常恐嚇「明天要讓你上頭條」，他苦笑謂︰「今次真係全台灣都有報道，佢達到目的啦！」林利又自爆上周被患有精神病的外母用刀斬傷，外母及後被送往精神科醫院，他說︰「次次發生事都會送佢入去兩、三個月，出番嚟之後又故態復萌。」