王祖藍前世情人見爸爸倒地爆喊 Bob勁羨慕：啲女見我慘死全部都……

王祖藍近年都北上發展，喺內地不斷有佢有份參與嘅節目推出，妻女更加係齊齊到內地生活。除咗《聲生不息》、《開播！情景喜劇》，仲有內地親子觀察類節目《爸爸當家》，祖藍不時分享同囡囡相處趣事。而王祖藍最初到內地工作時，更係真人實境綜藝節目《奔跑吧》嘅常駐主持。日前有佢參與嘅其中一集《奔跑吧》喺內地嘅街頭重播，因為咁發生咗一件趣事。

同場加映： 區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

{{hket:inline-image name="1.jpg"}}{{/hket:inline-image}}

王祖藍同李亞男嘅大女Gabby唔經唔覺已經三歲半，雖然唔係好大，但Gabby已經好懂性。日前王祖藍喺IG上載咗一條片段，見到Gabby喺街頭嚎哭，唔知仲以為佢被遺棄！不過鏡頭一轉，原來佢係見到爸爸出現喺電視上，電視正係重播《奔跑吧》，王祖藍當時被foul出局，玩遊戲玩到倒地，可憐嘅Gabby仲以為係真，喊到肝腸寸斷。兩位保母見到都笑晒又冇佢符，喺隔籬嘅媽媽李亞男立即安慰Gabby︰「那是假的！假的！」再拍一拍Gabby背脊，不過Gabby一臉疑惑，喊得再大聲啲，李亞男就抱起囡囡安撫，搞笑得嚟好溫馨。

王祖藍留言：「看完整季的話，我都不敢想像了。」睇怕佢喺《奔跑吧》入面好多激烈場面都係「Gabby不宜」，唔少網民都話呢個前世情人非常可愛，做爸爸見到佢咁擔心自己，真係工作都會錫身啲！有3個前世情人嘅Bob林盛斌嘅待遇就完全唔同，佢留言向王祖藍表示自己好羨慕：「你就好啦，嗰次電視唔知播乜嘢戲，我要慘死嘅，我啲女全部喪笑同埋拍晒手掌。」好多人都表現好有畫面，都好同情佢，真係同人唔同命呀！

圖片來源：Instagram