育兒爭議 ︳港媽教小二兒子整蛋糕做家務 遭家長公審：咁多功課仲做家務？

家長讓子女從小學做家務，是鍛煉還是令他們受苦？一名港媽投稿至社交專頁，指兒子讀K2時已開始學做家務，小二時兩母子便一起整蛋糕，讓他嘗試篩麵粉和切水果，未料分享經歷卻引來其他家長「公審」，批評她未有顧及兒子安全，亦未理會兒子功課繁多。事主形容對於有關批評相當無奈，並列出3點逐一反駁。

同場加映：

管家王丨難耐老人院生離死別 轉行任陪月學做「開明奶奶」

{{hket:ul-video id="6033"}}{{/hket:ul-video}}

怪獸家長 ︳大學畢業生攜母見工媽媽全程搶答，網民嘆害死阿仔：成世搵唔到嘢做，詳情即睇：【下一頁】

Facebook專頁「生仔要考牌系列」上周六（25日）刊登一名女網民的投稿，她表示與丈夫育有一名就讀小二兒子，她由兒子幼稚園二年班開始，已會教他做簡單家務，包括摺衫、收衫、晾衫、掃地、收碗、洗碗等。

事主指早前在台灣Facebook群組看到一則帖文，一名媽媽發文指自己要求子女幫手洗碗，友人得知後直言子女很可憐，甚至怪責她為難子女，令她頓感無奈。事主稱看到帖子後，令她回想早前在媽媽群組與其他家長發生爭執。

兒子切生果 媽媽被批罔顧安全

事主憶述有一次她和兒子一起整蛋糕，事後把照片分享至群組，包括兒子篩麵粉和切生果的相片，引起其他媽媽議論，有人質疑事主「咁細個畀小朋友篩麵粉，會搞到佢肺有事喎」、「咁早畀佢拎刀，遲早會隊親佢呀」，令她相當無言，認為她們過分緊張，

「大佬呀！唔好咁黐線啦，我1個月先同佢整1、2次甜品，又唔係次次都會用到麵粉，出街夠多塵，你唔困住個細路喺屋企？另外，把刀係兒童專用膠刀，隊唔死，又鋸唔傷，仲鈍過你鵬（棚）牙呀！」

叫兒子做家務 被指未體諒兒子功課多

事主更為不忿的是，有一次她提及兒子K2開始學做家務，遭其他媽媽批評她教兒子做家務是「藉口」，實情是把家務全推給兒子，亦有人認為小學生功課多，不應做家務，「小學已經咁多功課，仲叫佢做家務，做死佢呀」，另有人認為待兒子升中才學做家務也無妨。

事主則對此列出3點回應，認為家務人人有份，夫婦倆放工回家後會分工合作，認為每人負責一部分絕不過分，強調「我冇隊晒畀佢（兒子）做喎」。其次事主認為兒子升中後，不會再聽父母說話，直指「你仲踢得郁佢先講啦」。

質疑家長安排興趣班 未讓子女休息

對於被其他家長指責未有體諒兒子課業繁重，事主表示不會分許多家務給他，僅要求他每天飯後幫手收碗和洗幾隻碗、摺好自己的衣物、周六或日幫忙掃地。她又指既然小學生功課多，很多家長仍為子女安排多樣課外興趣班，質疑他們此舉才讓子女沒有充足休息，

「興趣班（計埋來回時間）同每日淨係摺衫、收碗、洗碗，邊樣用嘅時間多呢？難道只係興趣班先係有益，做家務係累死個仔嗎（利申：我仔淨係學琴）？」

事主表示現已退出群組，認為「做好自己算」，她又感嘆「我都唔知呢個年代，究竟我先係怪獸家長，定佢哋先係？」

網民：家長真係要學習放手

不少網民看到帖文後，認同每位家庭成員也有責任分擔家務，小孩亦應從小學習生活技能和自理能力，認為家長應學懂放手讓孩子成長，另有家長分享自己的育兒心得。

↓ 點 擊 圖 片 放 大 ↓

怪獸家長 ︳家長只顧行街懶理小孩，百厭星爬上米妮毀名店$16萬擺設，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

文章內容獲Facebook專頁「生仔要考牌系列」授權刊登

每朝索取《晴報》：精明生活．健康家庭．開心娛樂

撰文：蘇麗儀