內地隔離丨吳業坤示範酒店浴缸內用腳洗衫 吳若希：你踩之前有冇洗腳？

吳業坤（坤哥）於5月與日本藝人濱口愛子閃婚，升呢成為人夫之後，兩公婆婚後相處一段時間就要分隔兩地，日前他透露要返內地拍劇幾個月，老婆濱口愛子就會返日本。坤哥這晚（29日）在網上示範在酒店如何用腳洗衫，結果引來吳若希同網民留言，搞笑問坤哥有無先洗一洗對腳，有人更溫馨提示要記得消毒浴缸。

同場加映：張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

{{hket:inline-image name="06303001.jpg"}}{{/hket:inline-image}}

{{hket:inline-image name="06303004.jpg"}}{{/hket:inline-image}}

坤哥在IG分享浴缸內用腳洗衫的片段，每一個細節也紀錄下來，見到他進入浴缸洗衫之前，很衛生地有清洗一對腳，然之後才化身人肉洗衣機，先後進入他形容的「村姑Mode」、「調酒師Mode」及「BBoy Mode」，將浴缸內的衫「踩」乾淨後，再慢慢扭乾及掛起，最後舉起拇指並得戚跟乾淨衫自拍。他留言話：「如何在酒店洗衫。我已經唔係當年拍廣州闖蕩嘅我，今次會落洗衣液，洗得好徹底。」

吳業坤周日出席慶祝父親節活動 網友估佢做老竇 坤哥四字真言回應【下一頁】

雖然坤哥講明他有洗腳，向來烏龍百出吳若希卻睇漏眼，在post內留言向坤哥挑機：「重點係…你踩踩踩之前有冇洗過隻腳？！」，不用等坤哥親自回覆，有網民已快速回答：「用花洒洗了。」至於同坤哥曾合作過《街坊財爺》的姜麗文，就大讚這條短片是她最喜歡的視頻。

（↓點擊放大睇圖片↓）

這條影片亦引來其他網民留言，當中有搞笑亦有溫馨提示，包括：「點解無底底嘅？#強勁嘅臂彎」、「最擔心過水唔夠乾淨，洗衣液好似好過洗衣粉」、「睇你洗衫都變成樂趣」、「好似係搵啲衫洗個浴缸多啲」、「用腳踩衫會唔會污糟？」、「有咁多個Mode，仲多功能過洗衣機」、「之前洗浴缸都好重要」、「嗯…咁個浴缸洗衫前消毒咗咪㗎？」及「有冇洗乾淨個浴缸先？」等，不知道坤哥有否全部收到晒？

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】