【聲明】港生活網站並無進行電話推廣活動

計劃美加巡唱 張敬軒預告年底再開騷

發佈時間: 2022/07/01

張敬軒(軒仔)上月底完成26場的紅館演唱會,及後已馬不停蹄工作,幾乎沒有時間休息。軒仔昨日出席活動,透露今年底將舉行side track(非主打歌)音樂會,以回饋歌迷及知音人;他更表明正計劃美加巡唱,非常勤力。

張敬軒昨日出席品牌活動,獲數百粉絲到場支持,更有粉絲高呼「好靚仔」。軒仔稱完成演唱會後一直未有時間休息,日前才抽空兩天,與朋友到梅窩露營,他笑言︰「當去咗泰國旅行,不過行山搞到損手爛腳,依家更加掛住去旅行嘅日子。」

軒仔透露正計劃舉行巡迴演唱會,暫定於美加的賭場巡演,問他是否已準備好行李?軒仔笑謂︰「都準備咗兩年,因為一直好想去旅行。」有傳演唱會將在今年底舉行part 2?軒仔指將是全新的演出,而非part 2,「首先紅館個期好爆,而之前演唱會有好多side track無唱,所以再演出會想唱番呢啲歌,唔會搞太大型,主要畀知音人睇,最重要係歌迷會每個人都買到飛。」

呼籲歌迷理性消費

軒仔強調希望回饋歌迷,以「所有歌迷都買到飛」為大原則。不過他直言門票實名制有不少困難,行政費不菲,「都係喺自己歌酬拎出嚟,雖然保證大家都買到,但都唔係全部場次,只保證買到一場。」軒仔又呼籲歌迷理性消費︰「呢兩年歌迷會無聚會,我又唔鍾意Zoom,所以呢兩年都無收會費,行政費都用咗六位數。我都出道咗20年,想為『老歌迷』做多啲,同時想多謝新粉絲應援,但我年紀都去到家長級,唔想大家亂使錢,買碟、睇騷、見到鐘意嘅產品先買。」

採訪︰Pauline

美術︰梁政敏

攝影︰林良明

計劃美加巡唱 張敬軒預告年底再開騷

七師傅剛巧路過會場,與「下一世老公」軒仔攬攬。

計劃美加巡唱 張敬軒預告年底再開騷

軒仔與在場粉絲合照後,於IG限時動態叫粉絲「收嘢」,認真抵死。(IG截圖)