家族糾紛｜劉雅麗被母親話衰多口提劉德華 包曉華親述已交出7萬幾帛金

劉雅麗父親劉山本（本叔）今年3月離世後爆出家族糾紛，大房女婿方錦培指劉雅麗、其母包曉華私吞帛金，甚至拒絕到醫院見父親最後一面及前往領遺體。劉雅麗上月出席公開活動時，表示不想回應家事，希望這些小風波快快過去；曉華姐在前晚（2日）播出的港台《一起走過》內，親口回應私吞帛金事件，語帶不悅表示女兒劉雅麗在靈堂「衰多口」提及劉德華，令人誤以為後者一手包辦喪禮的費用。

{{hket:inline-image name="07041001.jpg"}}{{/hket:inline-image}}

{{hket:inline-image name="07041002.jpg"}}{{/hket:inline-image}}

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

劉雅麗媽媽包曉華同好友舒雅頌，前晚（2日）接受港台《一起走過》主持人楊紹鴻、文頌嫻訪問。提到私吞帛金事件，曉華姐公開事件始末，她說：「我話喪禮一切從簡，唔使咁舖張，劉山本前妻女婿就話『老竇識咁多人，一定好多人嚟』，咁我就話好啦，你揸Fit，我唔揸Fit。當阿本喺醫院急救時，嗰個女人（四房Eva）好急打電話嚟，我話而家換衫即刻過嚟，佢又話唔使，話醫生而家叫佢乜乜乜……我再打電話去問啦，跟住就話（阿本）走咗嘞，咁我都要過去，佢繼續話唔使，因為受疫情影響點都睇唔到……我係冇見到最後一面。」

【有苦自己知】劉雅麗18歲起爆瘡：見到自己想喊 登台曾被灌酒笑笑口打完場【下一頁】

講到領遺體當日，曉華姐話：「我問幾點鐘？我喺嗰度等，女婿話唔使，因為喺醫院嘅警察登記咗佢同Eva個名，我冇名入唔到殮房……疫情呀，好多嘢好混亂，好多屍體堆埋晒一齊。話佢哋去就得，又唔畀我去。但後來出到嚟嘅說話，變咗話我唔肯去（領遺體）！咁由得佢講囉！你哋話嘞，我會唔會咁做？」至於本叔的喪禮費用，女婿提議過一人一半，曉華姐說：「我同阿培（大房女婿方錦培）講過，我同雅麗真係冇錢，收到帛金有幾多都畀晒你先。我話之後賣咗層樓……有錢再畀，佢嗰時都話好㗎！3月28日我約佢出嚟，好多朋友做咗帛金，交出咗3萬5，再講當日收到嘅帛金都會交晒畀佢。」

設靈當日，曉華姐遇到的不快事，她的花籃被人移到側邊位置，最嬲的是四房的花籃卻放中間當眼處，「靈堂請咗兩位大師唸經，問我哋有幾多個仔女，我就話4個，阿本前妻有3個，加埋雅麗就4個。阿仔喺第二度返唔到嚟香港。嗰個女人喺側邊加把口，話加埋佢2個女，其實又點會關阿本事？嗰個女人同前夫生嘅，佢就話係阿本養大嘅。既然係咁，嗰日我又收到3萬幾帛金，我再交畀阿培，總共7萬幾。跟住第二日啲帛金就唔畀嘞，既然佢認兩個女係阿本嘅，老竇死咗使唔使負責？仲咩要雅麗一個人負責？我話7個仔女要負責、要分擔！我畀咗7萬幾已經夠啦！」

（↓點擊放大睇圖片↓）

外間誤會劉山本喪禮的費用是由劉德華一手包辦，舒雅頌在旁忍不住幫口解釋：「雅麗同記者講多謝劉德華幫助，呢句係話華仔都有做帛金，多謝一聲啫！佢哋嗰邊以為畀咗好多錢，以為喪禮係劉德華一手包辦……」

曉華姐語帶不悅，話劉雅麗「衰多口」，「上山嗰日見到好多記者，唉，侷住接受訪問，雅麗講『我老竇乜乜乜』之後，就『衰多口』，話要喺呢度『好多謝劉德華，無論有咩事，媽咪一打（電話）去都有幫手』……但知唔知搬屋，我老公係未攞過錢出嚟！樣樣嘢都係我哋好辛苦賺番嚟㗎！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】