闔家辣丨Edan被吳君如追問MIRROR演唱會飛 「呢啲私底下先講啦！」

由吳君如、鄭中基、梁詠琪、人氣男團MIRROR成員Edan（呂爵安）主演的電影《闔家辣》，將於7月14日上映，而7月1日至3日舉行的92場優先場，票房已錄得115萬元的成績，為答謝大家的支持，《闔家辣》監製兼演員吳君如率領Edan及鄭晉軒導演進行謝票。期間，吳君如和鄭晉軒搞笑地向Edan追問幾時會有MIRROR演唱會飛。

同場加映：張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

{{hket:inline-image name="51.JPG"}}{{/hket:inline-image}}

{{hket:inline-image name="10.JPG"}}{{/hket:inline-image}}

今日（4/7），吳君如在IG限時動態上載昨晚在九龍塘又一城戲院謝票的片段，在嘉賓房等候出場期間，他們公布一連3日的《闔家辣》優先場，票房已過100萬元，Edan合十連番道謝，說：「多謝大家！Thank You！知道前幾日8號風球。」點知吳君如趁機問Edan：「喂，咁你啲飛點交畀我？」Edan輕聲地說：「你啲飛？（拍拍吳君如的手）呢啲私底下先講啦！」在旁的鄭晉軒食住上：「我一路都唔敢問，我啲飛點呢？」Edan拍一拍他：「你都有，放心！」吳君如死唔放繼續追問：「今日幾多號？」醒目仔Edan笑說：「今日3號，有排啦，姑媽！（吳君如在《闔家辣》飾演Edan姑媽）」鄭晉軒笑著提議說：「我哋3000萬（票房）就交飛咯！」吳君如笑說：「3000萬，我有錢賺，我自己買啦！」

25歲目標︳Edan呂爵安被「姑媽」吳君如突擊催婚 稱未有女朋友：太忙拍拖冇意思【下一頁】

在謝票期間，近期忙於演唱會排練的Edan，指自己留待7月10日首映禮當日才看《闔家辣》，他說：「其實我都好緊張，因為都係我嘅處男作，未試過喺大銀幕畀大家見。」不少爵屎大讚《闔家辣》好睇，豈料，坐在前排的一位「前夫」跟Edan說：「你進步咗好多呀！」這一句令Edan十分振奮，Edan說：「前夫都話好，咁應該真係好！」吳君如接著笑說：「正呀！其實我唔係好明咩叫前夫？」

闔家辣︳吳君如着Aerobic舞衣激曬事業線 Edan鄭中基梁詠琪睇到…【下一頁】

{{hket:inline-image name="52.JPG"}}{{/hket:inline-image}}

{{hket:inline-image name="291091241_1087294968528253_2362232643764533918_n.jpg"}}{{/hket:inline-image}}

{{hket:inline-image name="289662251_401618742025867_897907098575072478_n.jpg"}}{{/hket:inline-image}}

事後，鄭晉軒指自己曾特別訪問「前夫」，「問佢哋就最中肯，佢哋話『好睇，真係好睇，今次！』。」Edan立刻指住鏡頭問道：「我之前邊啲唔好睇？呢套一定好睇，我哋好多心血，仲有補戲喎！」吳君如一臉認真的說：「同埋呢套戲真係好貼地，真係拍畀香港人睇！」吳君如在IG限時動態留言表示：「由前日到今日已經過咗100萬票房了！同大家影相，我好開心，唔該今日嘅朋友Send番啲相畀我，Love You All！」並Hashtag「下個目標前進」、「5000萬票房」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】