《潮什麼》系列主持人｜梁芷珮遊南非被盜攝影器材勁慘 「最尾幾日先留低唔好印象」

《潮什麼》系列主持人梁芷珮（Christy）於5月初，孖老公Kenneth、二仔及細女出發馬爾代夫、賽舌爾島、毛里求斯、南非及肯亞等地，一家人旅遊兼拍攝節目。原本兩公婆開心享受家庭樂，但日前在南非發生不愉快事件，老公整袋的相機及器材被人偷走，可謂損失慘重。一家人無奈地去警局報案，梁芷珮在IG忍不住呻：「最尾幾日先喺度留低個唔好嘅印象！」

{{hket:inline-image name="04072003.jpg"}}{{/hket:inline-image}}

{{hket:inline-image name="290663837_1551420231943595_5531667937244356259_n.jpg"}}{{/hket:inline-image}}

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

梁芷珮於5月開心出post，指她同Kenneth、二仔及細女出走50天，會到訪7個地方，帶兩個小朋友出外旅行兼拍新一輯《潮什麼》，而大仔這次未有同行。梁芷珮連日來的IG，見到一家四口的開心照片，可是日前驚爆不愉快事件，Kenneth的搵食器材在南非被盜去，一家人於是去警局報案，梁芷珮勁氣憤表示：「唉…最尾幾日先喺度留低個唔好嘅印象…。啱啱老公同我成個相機袋被人偷咗，所有相機，咪，lens，iPad…冇晒，報案中…。」不少網民送上慰問，認為最重要是人冇事，並叮囑他們小心睇實仔女。

潮什麼丨梁芷珮疫情下出遊拍攝感受良多 「冇人想見到全世界靜止晒」【下一頁】

梁芷珮報案後拍片向無綫報平安，並講述事發經過，她說：「老公被人偷咗成袋相機，其實今次都係自己大意，不嬲我老公都好小心，去到邊都會孭住自己相機袋，但今次因為我哋太熟悉個環境，每日都喺呢條街食早餐，畀我哋非常之安全感覺，因為係一個旅遊點，喺海邊又係大街。我哋係啱啱準備出去，買杯雪糕畀小朋友食，前後係廿分鐘內嘅事，已經冇咗成個相機袋，有兩部相機、咪、運動型相機同鏡頭，全部都冇晒。」

《芬蘭潮什麼》｜梁芷珮焗完桑拿跳冰水「冰火交替」 面容扭曲大讚：似按摩咗1個鐘【下一頁】

至於此程已拍攝的內容有否同時被偷去？梁芷珮話：「好彩今日係我哋最後三日喺南非，已經準備走。不過好彩我老公每晚都有備份啲片源，全部片有做備份，所以全部片仲喺我哋嘅Harddisk（硬盤），係有兩隻唔見咗，仲有兩隻仲喺度，片方面係無問題，唔需要再拍過，惟獨是所有相機都冇晒。」對於能否尋回所有失物，梁芷珮未有抱太大期望，「已喺警察局報案，我哋都唔會有呢個希望，覺得會搵得番，但都係照樣去報案先。下次大家去旅行真係要小心啲，財物一定要跟身，唔好似我哋咁大意，為咗杯雪糕竟然放低咗相機袋，咁人無事，大家都冇事，多謝關心！」

（↓點擊放大睇圖片↓）

第二日梁芷珮仍有出post，就是細女在農場餵豬的照片，她說：「去咗阿妹最鍾意嘅農場，我哋嘅相機袋就係最後貢獻埋呢個item，陪咗我哋幾年嘅相機setup…返香港要重新入過了。」網民亦有繼續安慰，分別表示：「當係破財擋災吧」、「破財擋災。。。舊的唔去，新的唔嚟！！」、「換新嘅生財工具」、「睇完你嘅直播，覺得你好正面，欣賞您地的努力，相信從此你哋都學會了，下次做得更好、更小心」及「加油，always support you guys。The best thing is everyone safe & sound。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】