倪匡逝世丨無綫重播小說改編劇集《原振俠》 黎明李嘉欣顏值巔峰賞心悅目

為悼念享譽華人世界嘅著名作家倪匡先生，無綫翡翠台今晚深夜12時05分特別安排重播劇集《原振俠》。該劇由黎明、李嘉欣、洪欣、朱茵及王靖雯（王菲）領銜主演，而原定播映之《難兄難弟》則順延至7月24日同時段播出。

同場加映：張敬軒預年底搞Side Track演唱會 Marf Ivy So接受唔到剪短頭髮

{{hket:ul-video id="6061"}}{{/hket:ul-video}}

倪匡先生創作嘅《原振俠系列》小說當年十分受歡迎，TVB遂與倪匡洽商拍成同名電視劇。《原振俠》於1993年3月1日首播，共20集，由梅小青監製，而由黎明主唱嘅主題曲《願你今夜別離去》當時亦非常hit。

{{hket:inline-image name="1001.jpg"}}{{/hket:inline-image}}

男、女主角黎明和李嘉欣非常合襯，因而傳出緋聞，雖然從未承認曾經交往，但不少人認定佢哋曾經拍拖。李嘉欣早年接受陳志雲訪問時，否認跟黎明拍拖，但承認感情非常好，係「友達以上，戀人未滿」。梅小青亦曾透露「黃絹」一角係黎明推薦由李嘉欣出演，並且由男方親自聯絡。由於參與此劇的演員都是當紅藝人，因此度期非常困難，原定1992年10月開拍，最後要順延至同年的12月。

梅小青亦提到王菲飾演嘅「海棠」係一個冷艷角色，因為王菲第一take出嚟冇乜表情，佢要求王菲重拍，後者亦爽快答應，但冇估到拍出嚟嘅效果都係目無表情！梅小青當時恍然大悟，原來觀眾就係喜歡王菲所散發出嘅呢種感覺。

撰文：黃蘊姿

圖片來源：網上圖片