林二汶被指利用盧凱彤之死追女 否認入「邪教」爆師父為修道斷四肢

歌手林二汶近期是非不斷，早前推出新歌《中華頌》被負評；日前又被指加入「邪教」，指佢近年信奉「玄武財神」嘅師傅過住「酒色財氣」嘅生活，唔似係傳統宗教；昨日更有人爆出佢借十幾年好友盧凱彤嘅死「食女」，今日二汶終於忍唔住一次過回應。

同場加映：宋熙年林希靈新節目撼《東張》 前主播丘靜雯唔敢認最靚女

{{hket:ul-video id="6074"}}{{/hket:ul-video}}

昨日有一位前網媒記者出post力數二汶，聲稱2018年盧凱彤逝世之後一個月，二汶向佢身邊人send情慾短訊，佢發文：「我深信，做音樂嘅人至少要有信念、有風骨，嗰隻拜財神嘅bad Taste人形豬（意指林二汶）點解喺圈中冇晒朋友、同人山人海發生咩事，局外人唔會知。我淨（剩）係知道呢隻半人半豬喺佢10幾年拍檔（意指盧凱彤）死咗一個月，日日夜夜send message喺度呃蝦條（意指發生性行為），呃到去我身邊嗰個。內容要幾四仔有幾四仔，又要洗底褲，又要食蛋撻，仲自認係好鹹濕，仲係咁中傷我。」

{{hket:inline-image name="242404279_1021614608650727_2329117560480696346_n.jpg"}}{{/hket:inline-image}}

呢位爆料人更加指二汶當時身邊已有伴侶，但又用已故好友之死嚟冧女：「個天攞走咗盧凱彤，但係將你送咗畀我。」不過東窗事發後就表示自己係公眾人物，唔可以畀人知佢偷食。就同佢嘅偷食對象劃清界線。

林二汶今日出千字文反駁連日嚟網上對佢嘅批評，佢先同「玄武道場」師尊、師父同弟子道歉，之後再多謝家人嘅默默支持，自責令家人難過非常不孝；又向擔心佢誤信邪教嘅朋友講對唔住。

林二汶又用好大篇幅講述自己同「玄武道場」嘅關係，指道場一直做善事，冇宣傳冇募捐，錢全部係二十多個子弟辛苦賺嘅錢，又力撐佢師父身為修道人擁有物質冇問題：「你們也沒有嘗試明白，一個可以幫助人化解厄困的修道人其實要犧牲什麼。師父這幾年已經很少見外客了，也不多應酬，因為他說要留下福報和功德幫助我們這二十多個弟子，外面的也真的沒有時間處理了。要做一個可以有福德助人的修道人，除了自己也會經歷塵世的苦，『孤貧夭殘』四個字當中也必領一字，師父選擇的是『殘』。師父的四肢皆斷過，這是他選擇成為可以以福德助人的修道者必要的犧牲，到現在，師父的右手還是不能正常屈曲。」

{{hket:inline-image name="LHmTvvb.jpg"}}{{/hket:inline-image}}

林二汶表示近半年多都被「網絡欺凌」，雖然冇正面回應消費盧凱彤「食女」，但就話大家懷疑自己同盧凱彤之間嘅感情令佢最「痛」：「我和她之間，我們才知道。那種失去是甚麼，也只有我才知道。因為就算你是誰，你也沒有辦法是我，你沒有我們的時間，沒有我們的過程，你不知道那種愛是何種牽繫，也不知道我們之間對彼此是何種尊重，我們不一樣，但我們從不對立。」佢又指失去盧凱彤時自己死埋都冇咩所謂：「大家也說我沒有哭，很擔心，或者也有人覺得我很堅強，但你們不明白，這種痛不是大哭一場的事。這樣別離，眼淚太膚淺。不過，我寧願你們不明白。」

最後林二汶為佢被指賺人民幣而「變質」嘅指控辦護：「今天我說喜歡中國文化，想在創作上嘗試國樂，我卻被如此欺凌，那麼以後還有誰敢愛國？還有誰敢表達自己喜歡中國文化？提起愛國，我們也會極思甚恐。愛一個地方，不是因為她好或不好，甚麼地方也有她的圓缺。我們是否至少可以不去否定嘗試？做好自己，好的就繼續好，不好的地方也會進步。我不過是一個很小的角色，繼續努力做好我該做的事，就是我能力範圍可以做到的最好了。做人不固步自封繼續向前走，不就是這樣嗎？」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】