【聲明】港生活網站並無進行電話推廣活動

40歲胡定欣搵男友要似林盛斌

發佈時間: 2022/07/06

無綫昨日與內地紫荊文化集團簽署戰略合作協議,在劇集、綜藝及人才培訓等方面合作,無綫主席許濤、總經理曾志偉,率領胡定欣、馬國明、黎諾懿及林夏薇等藝員現身。志偉希望培養雙語發展的藝人,他說︰「合作最快明年啟動,依家開會討論第一個合作方案,睇下劇集定綜藝先。」以「港普」聞名的黎諾懿自嘲說:「我喺內地有好大發展空間,因為無其他演員好似我咁,講到咁爛仲不斷講,直情橫掃內地,堪稱教父級!」

同場的定欣早前獲林盛斌(Bob)承諾為她物色「筍盤」,定欣笑指Bob比她更着緊,「我叫佢唔好太chur,否則物極必反。」問到擇偶可有特別要求?定欣說︰「最好好似阿Bob咁顧家、事業成功。(外形似佢?)呢個各花入各眼。」至於馬國明現正享受假期︰「好開心,放咗近兩個月。(抽時間結婚?)唔係有時間就結,嚟緊佢(女友湯洛雯)要去澳洲拍嘢,我都有其他嘢做。」

採訪:倪小珊

40歲胡定欣搵男友要似林盛斌

馬國明透露女友湯洛雯將赴澳洲拍攝節目。

40歲胡定欣搵男友要似林盛斌

曾志偉稱今年藝訓班會招攬內地新人。