阿正猴擒「痴女」形象大受歡迎 男藝人Fans冇呷醋：我冇乜威脅

商台DJ黃正宜（阿正）由電台跳入電視圈，在ViuTV主持節目《膠戰》，其風趣幽默、痴女形象深受大眾歡迎而人氣飊升，工作接踵而來，今年4月更成為網紅榜首；近期更紅到美國，接受華語電視網上頻道SinoTV MRBI《偶像名人堂》的訪問。

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

{{hket:inline-image name="277857524_1172427443513598_3953103456787923556_n.jpg"}}{{/hket:inline-image}}

{{hket:inline-image name="10.JPG"}}{{/hket:inline-image}}

談及經常與俊男合作，如人氣男團MIRROR成員Jeremy（李駿傑）和Edan（呂爵安），還有Jeffrey（魏浚笙）等等，阿正坦言跟靚仔合作的過程中，有甜亦有苦，她說：「平時同Jeremy、Jeffrey做嘢，真係望到都高興，人嘅眼睛好老實，就係想望一啲靚嘢，望到靚嘢，自不然會開心，但我又會反思一下，大家點解會鍾意搵我呢？我得出個結論，因為我係一個冇乜威脅嘅女藝人，Fans見到我同佢哋合作，佢哋又唔會呷我醋㗎喎，佢哋反而會覺得我『你就正啦，好好代我親近一吓Jeffrey呀！』佢哋好包容，我就好感動，可能大家知我係痴女，但喺鏡後，我冇去到咁誇大嘅，Fans係好理解，但亦都代表我係一個男人嘅絕緣體，現實中，我有冇咁好艷福呢？我係冇㗎，可遠觀，但冇褻玩咁囉！」

阿正網紅排名連續3個月穩守十大 神還原93年「黃老太」造型笑爆嘴【下一頁】

阿正從小就有聽電台的習慣，所以跟電台有份情意結，目標要考上香港中文大學的新聞系；畢業後，她加入DBC數碼電台，但由於公司結業，阿正之後就轉到商台叱咤903，為節目《早霸王》擔任PA一職。阿正憶述首次見到森美，實在是印象難忘，她笑說：「大哥（森美）第一個畀我嘅評語，佢話估唔到我年紀咁年輕，打扮竟然咁似一個大嬸，咁我本身打扮真係唔叻，其實我好緊張，我Feel到大哥對每樣嘢要求都好高，隔咗一個星期，大哥叫我試吓（開咪），我記得坐入去（直播室），隻手震到要收埋喺枱底，又唔係好敢望佢，同埋好多時唔記得自己要講嘢，因為聽慣咗佢把聲，好神奇，太奇怪，平時喺電台聽到佢哋把聲，而家坐喺我面前同佢哋對答。」

阿正@《膠戰》清純學生look彈結他 網民大讚係零死角靚女【下一頁】

{{hket:inline-image name="283240036_553314743027391_3522371528350172683_n.jpg"}}{{/hket:inline-image}}

阿正視電台DJ為目標，卻不符父母對她的期望，阿正指爸爸希望她找到一份薪高糧準、福利好的職業，「佢之前都係公務員，所以佢覺得我做公務員梗係好啲啦，我係好驚，因為講咗好多年，但我同佢講我好想入903，已經決定咗，27歲冇出色先再算啦，點知佢問我點解要放棄？點解27歲就要停？所以嗰吓都幾感動，冇諗到佢咁支持個女，好感謝我阿爸。其實我自己好掙扎，出咗嚟做嘢幾年，都養唔到頭家，都唔係好畀到家用，但佢哋又好包容，所以真係好感謝，如果冇佢哋，我都冇咁大膽去試。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】