緋聞女友陳瀅節食扮港姐 方力申喜與「阿寶」再合作

方力申（小方）和緋聞女友陳瀅昨日拍攝葉念琛的新劇《美麗戰場》，小方在劇中對「阿寶」陳瀅一見鍾情，開心能再度與「阿寶」合作拍攝。陳瀅則自言為角色積極減肥，無奈演出期間遇上生理期，擔心上鏡會水腫。

方力申、陳瀅及劉佩玥（Moon）等昨日為新劇《美麗戰場》開工，拍攝陳瀅參選香港小姐的場口，小方則飾演評判。陳瀅表示要向選美出身的Moon，請教參選時的不同小技巧，例如挺胸收腹及丁字腳等。而小方笑謂今次可以奉旨睇女仔︰「做評判就係咁，以前都做過港姐嘉賓同中華小姐評判。」

問小方在劇中是否選陳瀅做冠軍？他坦言︰「一見到佢（陳瀅）就知佢係我心目中嘅冠軍。」提到葉念琛執導的作品，女主角均稱為「阿寶」，未知小方覺得陳瀅飾演的阿寶，與過往的有何不同？小方說︰「我對住陳瀅嘅時間最長，其實葉念琛啲戲全部都係阿寶，令大家最記得呢個角色，所以今次焦點亦去咗陳瀅度…大家都好期待，我同番阿寶拍戲都好開心。」

劉佩玥演火爆記者

至於陳瀅會否參考以前的阿寶？她指︰「又唔會，因為每個故事都唔一樣，我反而會參考番新一屆港姐點樣行出嚟介紹自己，因為我哋拍嘅嘢一樣。（有留意今屆港姐？）有呀，我鍾意爆炸頭徐麟，佢千祈唔好改髮型，改咗認佢唔到。」為了扮演港姐，陳瀅自爆近日積極節食，可惜遇上生理期，反而肥了兩磅，「上磅重咗兩磅，仲要水腫，起身即刻走去跑步。」

另外，Moon在劇中飾演一名娛樂記者，她指角色性格火爆︰「我要做狗仔隊，又要做專訪，拍攝嘅場口都好緊張刺激，會跌爛相機，又會同藝人對打，真係好火爆。」

採訪︰倪小珊

美術︰梁政敏