Auntie妳好丨193大談藝人形象不能自主 感激古天樂喺背後默默支持後輩

男子組合ERROR成員193（郭嘉駿）昨晚亮相由保錡、鍾慧冰（冰姐）及媚姨主持的ViuTV節目《MM730 - Auntie妳好》，大談「藝人形象是如何煉成的」。193指自己沒有形象，被經理人「放養」，同時透露陳冠希是其兒時偶像，「覺得佢好潮，帶動香港潮流，有性格，有嗰句講嗰句，見到唔啱就鬧，唔理世俗眼光，做自己……同埋識影相！」媚姨即說：「大家都知佢識影相，鍾意影某部位。」保錡以下犯上︰「我要求媚姨你唔好講『鹹嘢』……」

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

至於現時的偶像，193表示是古天樂，十分感激對方很提攜後輩，「佢嘅事業越做越犀利，佢默默做好多嘢去支持後輩，我哋初出道冇乜人識，古生已經同我哋溝通。之後我哋合作，講咗好多說話令我好深刻，佢話『你而家算係有啲人識，希望你可以用你影響力去幫你身邊未有人識嘅藝人』，古生想個個都好！」冰慧問193有沒有做到？193笑說：「當然冇啦！有錢梗係留番畀自己賺㗎啦……我到古生嘅級數，直頭派錢。」說話雖豪氣，但轉頭即後悔，193說：「嘩！唔得喎！每人派1蚊都要800萬，諗諗先……都多㗎，足夠買層樓。」

保錡人生低潮變成過街老鼠 直認不是好男友暫拒絕拍拖【下一頁】

媚姨向來語出驚人，她大讚謝賢靚仔過謝霆鋒，保錡問她可有看謝賢主演的電影《殺出個黃昏》，媚姨表示：「我冇睇，我覺得好皺（皮），又唔想睇。」冰姐問她現時是否仍喜愛黎明？媚姨搖搖頭說：「而家唔得㗎喇！一皺我就唔鍾意，你唔覺得佢化妝都唔上妝咩？佢化極都好似好腫。」保錡聽後呆咗，對她說：「呢啲嘢得你答到！」連193都忍不住笑說：「佢（媚姨）仲黐線過我，佢咩都講。」媚姨說：「我使乜諗啫！我又唔係公眾人物。」

193指媚姨才是這個年代最需要的東西，就是做自己，「觀眾點解鍾意你？都係因為你嘅真實性格，唔會鍾意你係一個虛假嘅人。」

193擔心花無百日紅影響收入 爆ERROR年尾將開拍新節目【下一頁】

在星光大道走一趟，的確不易走，193認為不同時代的藝人，都要經歷很多自己不想做的事，才會做到自己想做的事，「我哋都做咗好多唔想做嘅嘢……我入行3年，都係ViuTV『老屁屁』，我哋陪伴半個ViuTV成長。」冰姐、媚姨指193及保錡人紅，一切付出都是值得的，保錡一臉正經表示：「我哋付出嘅努力，啲人聽到都覺得係廢話，因為佢哋唔會覺得我哋有努力過。」193邊聽邊點點頭︰「好多嘢都唔想做……但成堆曱甴『轟』落嚟（《花姐ERROR遊 2》），頂唔順都要照做！我知道做咗會去到另一個層次，或者多人認識我，我惟有去做啦，有時我哋唔想扮女人……一個禮拜扮一次女人……」

保錡補充，「扮女人階段」是粗製濫造的Cosplay，193續說：「係好冇意義去扮女人，但觀眾鍾意睇，照扮啦！扮完之後大家會開心，大家會鍾意我哋，而家諗番轉頭，真係唔想做，近一年我哋再冇扮女人。」

「而家人紅咗，你哋夠膽拒絕扮女人？」冰姐「啱重點」，193坦言要視乎重要性，「但我係『ViuTV封嘴王』……」（冇得Say NO）。

最後，冰姐一本正經︰「嗱！193、保錡，你哋對社會有咩責任？」保錡說：「有呀！我係諗好多嘢、失敗過好多次嘅人，我希望所有追夢嘅人唔好學我心態，行咗一步嘞，失敗咗，就覺得世界欠咗你。」193表示：「ERROR想帶開心畀觀眾，我成日問『點解啲人睇綜藝節目仲要鬧』？每日得一個鐘、半個鐘時間睇節目，應該要開開心心、輕輕鬆鬆，仲顧住鬧？你好唔輕鬆呀，而我哋嘅社會責任係帶開心畀大家。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】