【聲明】港生活網站並無進行電話推廣活動

澄清未與陳家樂同居 連詩雅︰媽咪唔係好鍾意

發佈時間: 2022/07/11

準人妻連詩雅(Shiga)日前疑默認與未婚夫陳家樂同居,但她昨日到MIKIKI出席活動時,澄清並無此事;Shiga解釋自己是家中獨女,媽咪不希望她未婚同居,所以多年來都沒有逾越這「家規」。

連詩雅、雲浩影(Cloud)、艾妮及洪助昇昨日出席新蒲崗MIKIKI商場度假風打卡拍照場景《MIKIKI‧Summer Skycation》揭幕禮,Shiga指自己在附近居住,所以經常到這個商場購物。問她和家樂的新居是否同樣在附近?她即澄清同居傳聞︰「上次我係話大家喺自己屋企會講電話,佢成日拍通宵,佢瞓覺時,我就返工,連講電話時間都無,只可以靠WhatsApp傾偈,唔係同居。」

雲浩影生日最想去旅行

為何不選擇婚前同居?Shiga解釋︰「我媽媽唔係好鍾意呢樣嘢(同居),所以我都尊重佢,佢得一粒女。咁多年嚟,我咁大個女,好多人都唔信,但我真係無試過同居…我媽咪好開明,明白情侶之間會去對方屋企,或者去旅行;但一齊住佢覺得唔得,要去到結婚先得。」

由於家樂正身在內地工作,預計兩個多月後才返港,Shiga表示︰「我哋試過約好一齊視像食飯,一齊睇戲。(沖涼都視像?)我就唔會,因為喺網絡世界除咗對方睇到,你唔知有幾多百萬人喺大氣電波睇緊,真係好危險。」

提到師妹邢慧敏成為港姐大熱,Shiga對她有讚無彈︰「戥佢開心,佢係個好有愛心嘅女仔,經常同朋友自發搞清潔海灘活動,我都去過兩次。(有咩心得分享?)多啲自信,享受個舞台,同埋笑多啲。」另外,同場的Cloud上周踏入25歲,她透露只跟家人和男友食飯慶祝,但男友竟未有送禮物,Cloud說︰「我叫佢hold住先,未諗到要咩,我對物質慾望有啲低,最想去旅行。」

採訪︰倪小珊

美術︰梁政敏

澄清未與陳家樂同居 連詩雅︰媽咪唔係好鍾意

(左起)艾妮、Cloud、新鴻基地產(銷售及租賃)代理有限公司租務副總經理吳小偉、Shiga及洪助昇開心合照。

澄清未與陳家樂同居 連詩雅︰媽咪唔係好鍾意

Cloud送上鮮花賀Shiga訂婚。

澄清未與陳家樂同居 連詩雅︰媽咪唔係好鍾意

洪助昇(右)透露活動前一晚緊張到失眠。