童時愛上你｜關曜儁張振朗墳場爆喊大和解 戲外好兄弟有火花：觀眾都話感人

上周五晚播出的《童時愛上你》重點落在Ding哥（張振朗飾）及爆基（關曜儁飾）兩兄弟身上，兩人在墳場大和解，爆基更攬實哥哥爆喊，不少觀眾都大讚這場破冰戲感人。

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

劇情講到Ding哥以為爆基偷電話，破口大罵兼怒摑了爆基一巴，兄弟反目收場；後來Ding哥發現自己誤會了細佬，兩人在拜祭父母時，Ding哥向爆基道歉，但爆基反過來打了他一拳並揚言要斷絕兄弟關係，Ding哥即激動回應：「你唔係我細佬你得咩？我都想你啱番一次畀我睇，我有冇講過唔要你呢個細佬吖？我得番你一個親人咋……」最終兩兄弟大和解，跪在墳前，對着亡父亡母道歉兼承諾照顧彼此，爆基就像小朋友般攬實Ding哥爆喊，洋蔥指數爆晒錶！

{{hket:inline-image name="4.jpg"}}{{/hket:inline-image}}

{{hket:inline-image name="3.jpg"}}{{/hket:inline-image}}

關曜儁（Leo）戲份頗重，亦成功憑藉鬼馬演出引起關注，觀眾讚他演技有進步。Leo接受《晴報》訪問時表示，同好兄弟張振朗合作有助入戲，「戲內外都係兄弟、好朋友！我哋係拎到劇本已經傾點樣做，有陣時仲會問對方問題，會傾吓故事線點樣演先至make sense。墳場嗰場破冰戲，劇本無乜筆墨畀兩兄弟；要再推進嘅話，我哋事前有傾過點做，令觀眾睇到火花。好開心好多觀眾睇完都話呢場戲感人！」

{{hket:inline-image name="5.jpg"}}{{/hket:inline-image}}

Leo感激振朗幫助他揣摩角色：「每場戲都會傾大家點演，就算見唔到面都會用電話傾，佢仲幫我分析個角色點樣可以做好啲，畀咗好多意見我，出到嚟效果咁好，佢佔咗好大功勞。同埋學識咗除咗要演好自己嘅角色，仲要令到對手都做得好，係今次拍攝最大得着。」

Leo又指在墳場與張振朗的破冰戲令他相當難忘：「首先我未去過墳場拍戲，同埋呢場戲我要帶住好抑壓嘅情緒去演……冇朋友可以了解自己，冇辦法理解心裏嘅感受，內心好難受……最後要對住過咗身嘅爸爸、媽媽先講得出……」

Leo於2015年投考藝訓班入行，去年憑《陀槍師姐 2021》「Hang 基」一角為人熟悉。今年踏入入行第7個年頭，他坦言好開心遇到「爆基」同「Hang 基」呢兩個角色。「兩個都角色都鍾意！爆基呢個角色立體啲，有兄弟，仲有一堆朋友，但Hang基就只有羅子溢一個兄弟，專一啲，哈哈！」

{{hket:inline-image name="142157039_1330693173957562_8211799313274367517_n_600_600.jpg"}}{{/hket:inline-image}}

今年年頭Leo向圈外女友求婚，問到何時擺酒？他指打算下年年尾能夠成事，「想等疫情穩定啲先，想請埋外地、內地親朋戚友嚟香港參加。」

{{hket:inline-image name="3_600.jpeg"}}{{/hket:inline-image}}

《陀槍師姐2021》Hang基｜關曜儁Leo向圈外女友求婚成功 好友張振朗去完頒獎禮趕及到賀【下一頁】

撰文：林惠珊