周志康被爆5年無行房？森美奇招𠱁太太「曳曳

《日日媽媽聲》前晚播放最後一集，邀得森美、周志康、張達倫及車婉婉等人任嘉賓。三位男士即時接受情景題考驗，問到「老婆有咗BB，老公想曳曳」時，育有兩女的周志康表示以美男計及按摩來引誘太太，森美聞言即說︰「你過去呢五年都無做過啦，最近一次係幾時吖？」慘被拋窒的周志康怕醜到面紅兼口窒窒。而機智的森美揚言以「對BB好」為由𠱁太太，他笑說︰「聽過一個傳聞話喺適當時候行房，可以篤個酒窩出嚟！」

另外，車婉婉在節目中分享兒子BBQ的窩心事，她說︰「個仔話唔想我老，唔想我去天父爸爸嗰度，但我話天父爸爸嗰度個個都要去，佢就話『咁好啦，我同你一齊去。』真係好純真同sweet。」