COLLAR拍廣告不被尊重 Day爆喊 Winka Marf不憤 為隊友出頭護航

KB（李健宏）的網上整蠱節目《情義兩難全之玩爆你個腎》，繼上次戲弄男團MIRROR成員Edan後，今次輪到八人女團COLLAR；她們於拍攝期間不被尊重，蘇雅琳（Ivy）、許軼（Day）有感受辱而忍不住喊了出來，陳泳伽（Winka）和邱彥筒（Marf）為隊友出聲護航。

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

{{hket:inline-image name="56869.JPG"}}{{/hket:inline-image}}

{{hket:inline-image name="10.JPG"}}{{/hket:inline-image}}

KB的整蠱團隊特意安排COLLAR拍攝一個意大利文化節宣傳廣告，並邀請一名意大利男士Marco假扮文化節負責人，廣告公司代理阿Big也是「媒」；另一邊有真正的廣告導演Heison、如假包換的攝影師Quinton。重點是找來沈貞巧（Gao）、李芯駖（Sum Ling）和經理人Wing（戴穎）做「二五女」，務求令COLLAR六位成員Ivy、Day、Winka與Marf；王家晴（Candy）、蘇芷晴（So Ching）入局。

你問我答丨Day被颱風吹甩拖鞋「失禮」街坊 許軼非藝名：我唔係跟爸爸媽媽姓【下一頁】

COLLAR投入拍攝時，整蠱團隊首先要求她們講意大利文，但中文翻譯卻是「我哋好蠢好易比人呃」、「我哋平時最鍾意放屁」、「我哋有好嚴重臭狐」。阿Big不時煽風點火，「Mean爆」又黑臉，示意Marf的紋身要遮一遮，同時針對Day，用命令語氣說：「個塔喺你前面，你隻眼應該望邊一面呀？其實髮型OK㗎，係個動作問題，搞個髮型有鬼用咩？」在旁的Winka旋即「中計」，見隊友被鬧而動氣，忍不住問Sum Ling：「佢（阿Big）嬲咩先？佢啱啱先鬧完Candy……做咩啫佢？我而家好『躁底』！」

Marf@COLLAR開Live歎豆腐火腩飯勁麻甩 鯨吞兩個冬甩 網民笑：口好大【下一頁】

阿Big繼續「發施號令」，對COLLAR諸多意見︰「前面嗰個呀！你呀……笑得開心啲」、「後面嗰個唔使成日擘大個口啦」、「中間分界嗰個……叫咩名？同你前面嗰件多啲交流啦」，先前被罵的Candy忍不住跟隊友細聲說：「可唔可以有啲基本尊重？叫我哋個名？」風譎雲詭，不在現場的KB，在後台咧嘴而笑，他的詭計似乎成功了一大半。

及後，阿Big突然要COLLAR跳舞，同時又指她們「跳得唔齊」，仲嗌Ivy離隊，在旁看隊友跳一次，寸爆道：「你睇齊唔齊？梗係齊啦！知唔知點解？因為冇咗你，你勁甩囉！」說時遲那時快，Wing出聲為Ivy護航：「我覺得你咁樣有少少唔尊重！」阿Big沒好氣：「吓？我都係為件事好啫！」

此時，兩名「二五女」Sum Ling、經理人Wing你一言我一語，前者表示：「我哋平時排舞唔會咁短時間！」現場充滿火藥味，後者說︰「COLLAR仝人休息一下先！」

我哋係COLLAR丨芯駖放下偶包與Marf泥漿摔角 Candy嘲「狼死」：好似兩隻野獸【下一頁】

休息期間，Ivy忍不住喊了出來，隊友不忘安慰她，Winka狂呻：「我哋做得唔好？你可以講；跳舞唔齊，再跳囉……表情唔好可以再拍！唔係咁樣抽一個人出嚟（Ivy），要佢罰企，話佢跳得唔好點點點囉！我哋接呢份Job時，冇講過要排舞，仲要喺冇鏡嘅地方排舞……」

這陷阱這陷阱這陷阱，除了Winka遇上，還有「目標人物」Marf，她憤憤不平，表示COLLAR是八個人一條心，狙擊阿Big：「我哋嘅工作人員，生出嚟畀你話嘅？」Sum Ling見機不可失，「二五女」再次成功入楔，問道：「我想問呢個Job，我哋係咪一定要做？我唔稀罕！呢啲錢……」Marf接著說：「佢（阿Big）由頭到尾……對我哋係針對性！」Day用紙巾拭淚時，「最佳二五女」得主Sum Ling繼續助攻：「阿Big完完全全冇尊重，係侮辱緊我哋！我做唔到落去嘞，你哋話係唔係呀？」

我哋係COLLAR丨COLLAR首個真人騷剖析成員真面目 Gao爆Winka沖涼沖得最耐【下一頁】

{{hket:inline-image name="54.JPG"}}{{/hket:inline-image}}

有感不被尊重，Winka實在氣難下，對阿Big開火：「我覺得已經去到一個位，係人身攻擊！我覺得唔好囉，大家都係講道理嘅人，咁大個人，唔係話你活得耐啲，食鹽多過我食米……嗰啲所謂道理……你唔係咁講嘢㗎嘛！」經理人Wing做戲做全套，大叫：「COLLAR唔拍喇，走得嘞我哋！」眾人和應：「好！走吖！」並向製作團隊禮貌地表示：「辛苦晒大家！」阿Big、意大利男十分生氣……

正當COLLAR齊齊執東西走時，KB突然現身！Ivy、Day、Winka、Marf、Candy與So Ching呆了，才知自己被玩，一齊崩潰，忍不住喊了出來。KB得意的說：「大家冷靜啲先，大家冷靜啲先，有冇聽過有個節目叫《玩爆你個腎》？Sorry！」

《情義兩難全之玩爆你個腎》自2011年推出以來，戲弄過不少藝人，包括吳雨霏、陳偉霆、熊黛林、陳小春、卓韻芝、鄧麗欣、林盛斌、戴祖兒、男團MIRROR成員Edan等等。事後，COLLAR在官方IG限時動態出Post，指「被爆」後從此懷疑人生，並Hashtag「每次開工都問係咪爆腎」、「最好戲其實係IMAGETEAM而不是經理人」、「成就COLLAR夢想」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】