愛佢變害佢︳小一女兒狂吃零食超重唔願郁 港媽減飯量遭同住老爺奶奶斥︰要個女捱餓︳兒童肥胖8大風險

漠視兒童肥胖，恐對成長帶來沉重打擊！一名港媽日前在網上發帖吐苦水，指在老爺奶奶的溺愛下，就讀小一的女兒常吃零食；由於女兒過重不願郁，她遂減少對方飯量。惟老爺奶奶卻大唱反調，不但繼續買零食予孫女，更斥責事主「要個女捱餓」、「點做人阿媽」，令事主大為苦惱，「連個女覺得媽媽係衰人，我真係心都灰埋……點處理好？」

同場加映：

Sick問識答︳出世至今戴口罩礙語言發展 心理學家拆解幼兒4大社交挑戰

{{hket:ul-video id="6105"}}{{/hket:ul-video}}

該名港媽日前在網上討論區「親子王國」以「6299話我唔畀飽飯個女食 連阿女都覺得我係衰人」為題發帖，指自己一家三口與老爺奶奶同住，兩老均為「比較上一代思想」，因而經常擔心孫女會餓壞，「得閒無事就畀好多零食佢食，阿女今年先小一，平時已經郁得唔多，疫情之後直頭行步路都懶，開始有啲超重嘅跡象。」

由於女兒開始超重，事主除了繼續不太給女兒吃零食，又減少對方正餐飯量，但老爺奶奶卻不斷唱反調，經常買零食，

「話細路仔怕咩食零食，肥啲可愛啲仲好……而家個女知道有人會畀零食佢食呀，正餐求其扒兩啖就算，轉個頭就走去問爺爺嫲嫲拎糖拎薯片。」

此外，老爺奶奶更在語言上攻擊事主，以致女兒不願聽媽媽說話，「老爺奶奶仲竟然話我唔畀飽飯個女食，話我要個女捱餓，點做人阿媽，知唔知醜！」雖然她曾向兩老解釋兒童超重的問題，但兩人依然當作「耳邊風」，說話更壞講越難聽，

「我諗冇人比我更錫個女吧，做人媽媽為咗個女乜都做得出，我都係為佢好，但換來竟然係呢啲說話！仲要連個女覺得媽媽唔畀佢食零食係衰人，我真係心都灰埋！」

而更令事主苦惱的是，丈夫最緊張的就是自己父母，「傳統家庭最重視就係全家齊齊整整一齊住，佢（丈夫）一定唔會想搬走；就算佢肯，老爺奶奶都一定嘈到拆天。」事主不欲「一日到黑家嘈屋閉」，但自己又感難受，遂詢問一眾網民的意見：

「各位姐妹有無遇過呢啲情況，點處理好？」

網民：唔好一齊住

此事引來網民熱議，不少人為事主感到難過，認為其夫最應該出聲制止父母，保護妻女；同時，亦有大批網民建議事主為了女兒應盡快搬走，如此一來則不用來寄人籬下仰人鼻息：

兒童肥胖8大風險

兒科專科醫生陳亦俊曾指出，肥胖影響深遠，兒童即使無鼻敏感、扁桃腺肥大等問題，單是持續肥胖數年已可誘發睡眠窒息症，「睡眠質素差自然難長高，亦會影響腦部發展，即使長大後再減肥，亦難彌補。」而且部分影響未必可即時發現，有小朋友檢測睡眠窒息時，才發現已患早期高血壓，陳解釋：「兒童看醫生時易緊張，血壓變化大，不似成人容易量度，需要『陀機仔』作24小時監察，故多在做睡眠檢測時一併量度。」

另有高小、初中生發現肝功指數異常，進一步檢查才發現有脂肪肝，

「長期肥胖亦會增成年後患心血管病、高膽固醇、糖尿病、直腸癌等癌症風險。」

此外，肥胖兒童因外觀影響，容易受欺凌或欠自信，亦會增加患抑鬱風險，不可輕視。他又提醒，育兒時要小心「食物陷阱」，如預製果汁飲品一般糖份高，致肥風險大，「即使新鮮水果亦含果糖，切勿過量，應按食物金字塔原則進食。」而攝取碳水化合物也要適量，另對兒童最重要的蛋白質，可選擇經白肉、魚肉或豆腐攝取會更健康。

 U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】