林家棟廢墟拍戲為護童星仆石地 傳一度動彈不得白車送院時清醒

林家棟昨日拍攝新片期間發生意外受傷，需急Call白車送院。據知林家棟仆倒時衝力甚大，以致身體多處受創，更一度動彈不得。

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

林家棟同台灣型男彭于晏合作嘅新片《潛行》，近日於青衣拍攝外景，有多場槍戰駁火戲，其中一場戲家棟要抱童星逃走，現場搭建一個類似廢墟嘅場景，四周佈滿石頭、鐵枝，地面凹凸不平。家棟奔跑時疑被石頭絆倒失重心，為保護手抱小孩，落地時用力偏向一側，直撻落地多處受創。工作人員見狀上前扶起家棟，有指佢當時完全郁唔到，劇組急Call白車送佢入院。

{{hket:inline-image name="31e84dc62590f2f02480449c38f0bc14.jpg"}}{{/hket:inline-image}}

導演關智耀、動作導演錢嘉樂以及同場演員彭于晏、談善言都好擔心，由於今次租借的青衣外景場地租金極為昂貴，需要在指定日期「交場」，再加上演員檔期緊張等問題，劇組必須趕工拍攝。而早前因為有劇組人員「中招」染疫停工7天，至日前談善言拍攝期間亦受傷，呢套戲都真係「好事多磨」。

同片演員仲有任達華、女星劉雅瑟等，咁啱呢兩日都冇佢哋嘅戲份。香港警察公共關係科透露，昨日凌晨有人在青衣遇意外受傷，需召救護車送院，毋須警察協助，傷者送院時神志清醒。電影公司今日有以下的回應：「少少碰撞，為確保安全入醫院檢查一下，沒有大礙，多謝關心！」

圖片來源：東星娛樂