【聲明】港生活網站並無進行電話推廣活動

繼91年《今生無悔》後再合作 陶大宇獲黎明邀請獻聲嚇一跳

發佈時間: 2022/07/14

陶大宇去年憑翻唱劉德華《倒轉地球》一曲爆紅,原來他獲另一位天王黎明(Leon)邀請,客串演出Leon旗下新人雅荍(Sophia)的新歌MV。大宇在MV中大曬舞技兼獻聲,樂迷大呼驚喜,他昨日回應本報時,大讚MV導演Leon處事果斷,「好開心大家鍾意個MV,Leon果然無欺騙我。」

AMusic旗下16歲女新人雅荍(Sophia)日前推出單曲《AH-HA》,歌曲中有一把神秘男聲獻唱「Sayonana o」;前日黎明親自執導的《AH-HA》MV面世,除了Sophia及另一新人AVA的真面目曝光外,原來神秘男聲竟是陶大宇!大宇更粉墨登場客串MV,他穿上如同太空衣的服飾又跳又唱,不少「陶寶(陶大宇粉絲)」大讚偶像跳「大叔的舞」相當可愛;有網民亦大讚Leon找來爆紅網絡的大宇合作,十分有諗頭。

大讚Leon執導能力高

昨日大宇接受本報訪問,笑言獲Leon邀請時超驚訝,「Leon上年12月搵我傾呢個MV,我聽到時嚇一跳,佢話搵我拍MV?心諗真定假呀,叫佢唔好玩我!佢解釋話搵我做彩蛋同新人跳舞,又叫我上去佢公司傾!」大宇表示二人對上一次合作,已是91年劇集《今生無悔》,「初時我無乜信心又驚,但開會睇到佢哋嘅構思,又覺得好有趣,之後膽粗粗決定合作。」提到MV由Leon親自操刀,大宇激讚:「Leon拍得好好,佢喺現場拍所有嘢都好果斷,從來無沙石,唔會拖泥帶水。」

自認跳舞甩Beat

大宇特別感謝Leon找來麥秋成為他排舞,並安排三日時間給他練習,最後他亦成功駕馭跳舞部分。他說︰「拍攝過程好開心,兩位新人有活力又有天份,完全無甩beat;反而我成日甩,佢哋都好體諒我,所以都要多謝兩位新人。」他又分享現場趣事︰「有一次排舞我早到,心諗點解兩個小妹妹未到,原來佢哋仲未放學,聽到都覺得好好笑!」他再次多謝Leon︰「今次好開心大家鍾意個MV,Leon果然無欺騙我,好彩亦無令大家失望。(何時正式出歌滿足粉絲?)我(對出歌)有保留,因為自己拍劇多,唔係正式歌手,出歌都要睇適唔適合自己,要認真思考同準備。」工作方面,大宇說:「新戲《紮職3》已經順利拍完,因為喺香港仲有工作,要完成哂先計劃返內地。」

撰文︰Steven

美術︰梁政敏

繼91年《今生無悔》後再合作 陶大宇獲黎明邀請獻聲嚇一跳

16歲女新人Sophia(右)及AVA獲大宇加持,一出道即贏得人氣。(網上截圖)

繼91年《今生無悔》後再合作 陶大宇獲黎明邀請獻聲嚇一跳

大宇為了MV中的可愛舞蹈苦練三日。(網上截圖)

繼91年《今生無悔》後再合作 陶大宇獲黎明邀請獻聲嚇一跳

大宇在新片《紮職3》中,與鄭浩南齊齊扮演黑道大哥。(資料圖片)

繼91年《今生無悔》後再合作 陶大宇獲黎明邀請獻聲嚇一跳

日前大宇到尖沙咀參觀恐龍展,乘機打卡。(網上截圖)