炎夏着古裝似焗桑拿 薛家燕開工10日減3磅

薛家燕、麥美恩、朱智賢及江嘉敏等昨日出席賀歲劇《黃金萬両》拜神儀式，眾人在酷熱天氣下穿上厚厚古裝戲服，大汗淋漓相當辛苦。家燕姐在劇中飾演朱智賢、麥美恩及江嘉敏的奶奶，她雖然身穿三層戲服，但臉上一滴汗也沒有，她笑說︰「好彩我由細訓練到大，就算點熱，塊面都唔會流汗。依家拍咗十日，日日都似焗桑拿，已經輕咗兩、三磅。」為何願意在夏天拍古裝劇？她說：「監製話好多觀眾想新年見下我，我都想帶歡樂畀大家，但去到露天場地外景，我就開始後悔！」

而同場的朱智賢原來首次拍古裝劇︰「感覺幾得意，起初都有啲唔習慣，今次我仲染番黑啲頭髮。（體會夏天演古裝的慘況？）我平時係耐熱嘅人，但依家開工成身濕晒，感受到啲汗由大腿流落小腿。我每日要飲兩公升水，好彩暫時都未聞到汗臭味。」

採訪、攝影︰Pauline