【聲明】港生活網站並無進行電話推廣活動

《I SWIM》「露鳥」搶鏡 魏浚笙滿意大隻身形︰好醒神

發佈時間: 2022/07/14

魏浚笙(Jeffrey)在ViuTV劇集《I SWIM》中大曬結實胸肌,在前晚一集,他更「露鳥」又露股,震撼一眾粉絲眼球。昨日Jeffrey出席活動,感恩觀眾讚揚他的表現,更自爆看到自己大隻身形時會自high,認真搞笑。

在前晚一集《I SWIM》中,劇情主要圍繞學校水運會,一眾男角盡騷結實胸肌,讓觀眾大飽眼福;當中最搶鏡的,相信是飾演插班生余浪沖的魏浚笙,他赤裸上身、僅穿孖煙囱跳落水,最後竟邊游邊甩褲,場面搞笑又香艷。昨日Jeffrey與劇中女友袁澧林(Angela)出席米線店活動,提到甩褲劇情時,Jeffrey直言是自己最大膽的嘗試︰「我有做安全措施嘅…拍劇時唔會尷尬,因為入咗個角色,比緊賽就算甩咗褲,都要攞番條褲衝去終點,呢個係選手應有嘅態度。」

為呂爵安負評平反

有指Jeffrey是全劇組最大隻,他聞言即否認︰「最大隻係Stanley(邱士縉),佢除校褸嗰下型到爆,真係好瀟灑。」問他私下會否大方騷肌?Jeffrey笑謂︰「好大隻嘅時候,我真係會時不時對住塊鏡抹汗自high,例如嗰日起身好眼瞓,望到自己個身形就好醒神。(分享畀其他人睇?)梗係唔會,呢啲自己醒神得啦!」有網民大讚Jeffrey演技自然,他開心表示︰「多謝,真係好感恩同開心,因為本身無乜個人特色,依家有『演技』都OK。」

對於呂爵安(Edan)被批講對白咬字不清,Jeffrey為好友平反︰「佢不嬲都知道呢個問題,會咬住紅酒木塞練咬字,好努力去改善呢個壞習慣,但有時習慣係要多啲時間去改善。」Angela亦幫口說︰「喺現場聽到Edan咬字清晰,但可能經過鏡頭會放大咗啲缺點。」

採訪、攝影︰倪小珊

美術︰梁政敏

《I SWIM》「露鳥」搶鏡 魏浚笙滿意大隻身形︰好醒神

兩人品嘗新推出的米線,狀甚滋味。

《I SWIM》「露鳥」搶鏡 魏浚笙滿意大隻身形︰好醒神

Jeffrey游甩孖煙囱,不慎「露鳥」兼露股,畫面香艷。(影片截圖)

《I SWIM》「露鳥」搶鏡 魏浚笙滿意大隻身形︰好醒神

Jeffrey游甩孖煙囱,不慎「露鳥」兼露股,畫面香艷。(影片截圖)